جاپونيانىڭ قازاقستانداعى ەلشىسى دجۋن يامادا، الماتى وبلىسىنىڭ اكىمى مارات سۇلتانعازييەۆپەن ەكى ەل اراسىنداعى ەكونوميكالىق جانە مادەني ءوزارا ءىس-قيمىلدى دامىتۋ ماسەلەلەرىن تالقىلايتىن كەزدەسۋدە، «جاپونيا قازاقستاندى ورتالىق ازياداعى سەرىكتەستىك پەن ىنتىماقتاستىقتىڭ نەگىزىن قۇرايتىن مەملەكەت رەتىندە تانيدى»،- دەپ ءسوز باستادى.
– مەن ءارقاشان قازاقستان مەن جاپونيانى باۋىرلاس، ارىپتەس مەملەكەتتەر دەپ ويلايمىن. ءبىز سىزدەردىڭ ەلدەرىڭىزدى ورتالىق ازياداعى شەشۋشى ەل دەپ سانايمىز، «كۇنشىعىس ەلى» ءوز مۇمكىنشىلىگىن كەڭەيتۋ ءۇشىن استانادا عانا ەمەس، الماتىدا دا وكىلدىك اشۋعا نيەتتى، - دەپ اتاپ كورسەتتى دجۋن يامادا.
ءوز كەزەگىندە مارات سۇلتانعازييەۆ بىرلەسكەن جوبالاردىڭ ماڭىزدىلىعىنا توقتالدى.
– ديپلوماتيالىق قارىم-قاتىناستىڭ ورناعانىنا بيىل 32 جىل تولىپتى. وسى كەزەڭدە ءبىز دوستىق پەن سەرىكتەستىك رۋحىندا جەمىستى جۇمىس ىستەيمىز. وڭىرىمىزدە جاپون كاپيتالىنىڭ قاتىسۋىمەن ەكى ءىرى ءوندىرىس ورنى – JTI جانە Mاريەۆەن فۋد Tيان-شيان» اشىلدى، ولار بۇگىندە وبلىسىمىزدىڭ نەگىزگى سالىق تولەۋشىلەرىنىڭ ءبىرى بولىپ تابىلادى، - دەدى.
كەزدەسۋدەگى باستى تاقىرىپ ەكونوميكالىق جانە مادەني ىنتىماقتاستىقتىڭ كەلەشەگى جايلى بولدى. ءبىلىم بەرۋ كلاستەرىن قۇرۋ تۋرالى جاڭا جباسىن جوسپارلاپ وتىرعان الاتاۋ قالاسىنا، جاپونيا ەلشىسى قىزىعۋشىلىق تانىتتى. جاپون تاراپى وقۋ مەن يننوۆاسيانىڭ بىرەگەي كەڭىستىگىن قۇرۋداعى تاجىريبەسىمەن بولىسە الاتىندىعىن جەتكىزدى. سونىمەن قاتار، الماتى وبلىسى ءوز تاراپىنان مەگاپوليس اۋماعىندا مەديسينالىق كاسىپورىندار مەن ەمحانالار سالاتىن سەرىكتەستەرگە، قولايلى جاعدايلار مەن جەڭىلدىكتەر جاساۋعا دايىن ەكەنىن جاسىرمادى.
ءداستۇرلى تۇردە اۋىل شارۋاشىلىعىنا ەرەكشە كوڭىل ءبولىندى. وبلىس اۋىلشارۋاشىلىق ءونىمى بويىنشا ەلىمىزدىڭ ەكىنشى ورىنداعى ءوڭىرى، سوندىقتان دا جاپونيا نارىعىنا شىعۋعا ۇمتىلىس تانىتۋدا.
«ءبىز جاپوندىق نارىققا شىعۋدى قالايمىز، ءبىراق بۇل وتە قيىن. سوندىقتان بىزگە وسى ماسەلەدە، اسىرەسە كۇنشىعىس ەلىندە قابىلدانعان جوعارى ساپا ستاندارتتارىن ساقتاۋدا كومەك قاجەت»، - دەدى مارات سۇلتانعازييەۆ. دجۋن يامادا بۇل باستامانى قولداپ، ونى ءوز نارىعىندا ىلگەرىلەتۋگە كومەكتەسۋگە ۋادە بەردى. سونىمەن قاتار، ول جاپونيادا قازاقستاندىق جىلقى ەتىنىڭ تانىمالدىلىعى جىل سايىن ارتىپ كەلە جاتقانىن اتاپ ءوتتى.
كەزدەسۋ بارىسىندا ەلشى وڭىردە جاڭا Toyota اۆتوبولشەكتەر ورتالىعىنىڭ ىسكە قوسىلعانىن حابارلادى. دجۋن يامادا سونىمەن قاتار جاپونيا پرەمەر-مينيسترىنىڭ قازاقستانعا ىس-ساپارمەن كەلۋىنە ىقپال جاسايتىنىن ايتتى. ونىڭ ايتۋىنشا مۇنداي ساپار، جاپونيانىڭ قازاقستانمەن جانە ورتالىق ازيانىڭ باسقا دا ەلدەرىمەن ارىپتەستىكتى نىعايتۋ جونىندەگى ستراتەگياسىنىڭ باستاماسى بولۋى مۇمكىن.
كەزدەسۋ سوڭىندا تاراپتار ەكىجاقتى قارىم-قاتىناستاردى ودان ءارى دامىتۋدىڭ جانە ىنتىماقتاستىقتىڭ جاڭا باعىتتارىن اشۋدىڭ ماڭىزدىلىعىن اتاپ ءوتتى، ونىڭ ىشىندە قونايەۆ قالاسىندا ارنايى ەكونوميكالىق ايماق قۇرۋ جانە ءوڭىردىڭ تاماق ونەركاسىبىن دامىتۋدى ءسوز ەتتى. جاپوندىق ارىپتەستەردىڭ ينۆەستيسيا سالۋعا جانە تاجىريبە الماسۋعا دەگەن قىزىعۋشىلىعى، ايماقتى دامىتۋ مەن قازاقستاندىق تاۋارلاردىڭ باسەكەگە قابىلەتتىلىگىن ارتتىرۋدىڭ ماڭىزدى فاكتورى بولا الاتىندىعىن مەڭزەيدى.
