تاۋەلسىزدىكتىڭ 30 جىلدىعى مەن 1 قازان – قارتتار كۇنىنە وراي اشىلعان كينوتەاتردىڭ سالتاناتتى لەنتاسىن اۋدان اكىمىنىڭ ورىنباسارى باعداتبەك جانعازييەۆ، اۋداندىق ارداگەرلەر كەڭەسىنىڭ ءتوراعاسى باعدات قالاۋباي جانە «ساق» كينوستۋدياسىنىڭ ديرەكتورى نۋريددين يسا ۇلى قيدى.
سالتاناتتى شارادا مادەنيەت قايراتكەرى، رەجيسسەر باتىرحان داۋرەنبەكوۆ جىلى لەبىزىن ءبىلدىرىپ، «مەيىرىم شۋاعى» ءفيلمىنىڭ 70 دانا بەينەتاسپاسىن اۋدانعا تارتۋ ەتتى.
1 قازان – قارتتار كۇنى مەرەكەسىنە وراي جاڭادان اشىلعان كينوتەاترعا اۋداننىڭ بارلىق اۋىلدىق وكرۋگىنەن ەڭبەك ارداگەرلەرى قاتىستى. كينوتەاتردان ارداگەرلەرگە «ساق» كينوستۋدياسىنىڭ «مەيىرىم شۋاعى» اتتى العاشقى ءفيلمى كورسەتىلدى.
ايتا كەتەيىك، ەلىمىز تاۋەلسىزدىك العاننان بەرى اۋداندا تۇڭعىش رەت اشىلعان كينوتەاتر. الداعى ۋاقىتتا جاڭادان اشىلعان كينوتەاتردا اۋدان تۇرعىندارىنا ءتۇرلى جانرداعى كينوفيلمدەر كورسەتىلەتىن بولادى.
