Báidibek aýdanynda ashyq aspan astyndaǵy kinoteatr ashyldy
Táýelsizdiktiń 30 jyldyǵy men 1 qazan – Qarttar kúnine orai ashylǵan kinoteatrdyń saltanatty lentasyn aýdan ákiminiń orynbasary Baǵdatbek Janǵaziev, aýdandyq ardagerler keńesiniń tóraǵasy Baǵdat Qalaýbai jáne «SAQ» kinostýdiiasynyń direktory Nýriddin Isauly qidy.
Saltanatty sharada mádeniet qairatkeri, rejisser Batyrhan Dáýrenbekov jyly lebizin bildirip, «Meiirim shýaǵy» filminiń 70 dana beinetaspasyn aýdanǵa tartý etti.
1 qazan – Qarttar kúni merekesine orai jańadan ashylǵan kinoteatrǵa aýdannyń barlyq aýyldyq okrýginen eńbek ardagerleri qatysty. Kinoteatrdan ardagerlerge «SAQ» kinostýdiiasynyń «Meiirim shýaǵy» atty alǵashqy filmi kórsetildi.
Aita keteiik, elimiz táýelsizdik alǵannan beri aýdanda tuńǵysh ret ashylǵan kinoteatr. Aldaǵy ýaqytta jańadan ashylǵan kinoteatrda aýdan turǵyndaryna túrli janrdaǵy kinofilmder kórsetiletin bolady.
