الماتىداعى تاۋ-تاستارى فاشيستىك سۆاستيكاعا تولىپ كەتىپتى. شىڭعا ورمەلەگەن تۋريستەر دە فاشيستىك بەلگىنى كوپ جەردەن كورىپ كوڭىلدەرى تۇسكەنىن ايتۋدا. ال بۇل سوراقى تاڭبالاردى تاستارعا كىمدەردىڭ سالىپ جۇرگەنىن انىقتاۋ ازىرگە مۇمكىن بولماي تۇر. ادامدار ءجيى جۇرەتىن جەرلەردەگى سۋرەتتى الپينيستەر ءوشىرىپ، ونى گۇل نەمەسە تەرەزە قىلىپ تۇزەتۋمەن الەككە ءتۇسىپ ءجۇر ەكەن.

 

ەگەر اڭگىمەنىڭ اشىعىن ايتار بولسا، الماتىنىڭ تاۋ-تاسى تۇرماق قالانىڭ ىشىندە دە تەز ارادا وزگەرتۋدى قاجەتسىنەتىن وعاش اتاۋلار جەتىپ ارتىلادى.  

ءيا، الماتىنىڭ تاۋ-تاسىنا شىقساڭ گيتلەر ءتىرىلىپ كەلگەندەي كۇي كەشەسىڭ، ال ەتەكتەگى قالاعا تۇسسەڭ، مەيرامحانا، ءدامحانا، قوناقۇيلەردىڭ ماڭدايشاسىنداعى اعىلشىن، ورىس تىلىندەگى جازۋلارعا كوزىڭ ءتۇسىپ، بوتەن ەلدە جۇرگەنىڭدى ىڭعايسىز جاعدايعا تاپ بولاسىڭ.  

وسىدان ءبىرشاما ۋاقىت بۇرىن dalanews.kz سايتىندا «بايبەك مىرزا، ماقاتايەۆ كوشەسىندە «نا پاستەرا» كاۋاپحاناسى قايدان ءجۇر؟» دەپ ماقالا جازعان ەدىك. ارادا ءبىرشاما ۋاقىت وتكەننەن كەيىن كاۋاپحانانىڭ ماڭدايشاىنداعى جازۋ جوعالدى.

https://dalanews.kz/25585

سول كەزدە قالا اكىمى ءبىزدىڭ وي-پىكىرىمىزگە نازار اۋدارىپ، بۇل ماسەلەنى رەتتەگەن ەكەن دەپ قۋانىشىمىز قوينىمىزعا سىيماي «باۋىرجان بايبەككە مۇقاعاليدىڭ ءارۋاعى ريزا بولعان شىعار؟» دەپ ءبىر ماقالا جازىپ تاستاعان ەدىك.

[caption id="attachment_29408" align="aligncenter" width="883"] جىل باسىندا وسىلاي بولعان[/caption]

وكىنىشكە وراي، قۋانىشىمىز ۇزاققا سوزىلمادى. ارادا ءبىر اي وتكەننەن كەيىن ماقاتايەۆ كوشەسىمەن (پاستەر كوشەسىمەن شاتاستىرماڭىزدار) كەتىپ بارا جاتقانىمىزدا كاۋاپحانا قوجايىندار «نا پاستەرا» دەگەن جازۋدى بۇرىنعىدان دا ۇلكەيتىپ، التى شاقىرىم جەردەن انىق كورەتىندەي جازىپ قويعانىن كورگەندە ءبىز كوتەرگەن ماسەلەگە قالا باسشىسى مۇلدە نازار اۋدارماعانىن ءبىلىپ، الىپ ۇشقان كوڭىلىمىز سۋ سەپكەندەي باسىلدى.

ماقاتايەۆ كوشەسىنىڭ بويىندا «نا پاستەرا» دەپ كاۋاپحانا اشقان ادام ءۇشىن قازاقستاننىڭ تاۋەلسىزدىگىنىڭ بەس تيىندىق ءقادىرى جوق ەكەنىن بىلەمىز. ەگەر كاسىپكەر ەلىمىزدى، تاۋەلسىزدىگىمىزدى سىيلاسا ءوزىنىڭ كاۋاپحاناسىن كەڭەس زامانداعى كوشەنىڭ اتىمەن اتاماس ەدى.

[caption id="attachment_29407" align="aligncenter" width="900"] كاۋاپحانانىڭ ماڭدايشاسىنداعى قازىرگى جازۋ[/caption]

ال وسىنداي وسپادارلىققا جول بەرىپ قويعان قالا الماتى قالاسى اكىمدىگىنىڭ ۇزىن ارقان، كەڭ تۇساۋعا سالىنىپ، بەي-جاي وتىرۋىن قالاي تۇسىنۋگە بولادى؟

قالانىڭ ىشىندە وسىنداي ورەسكەل قاتەلىكتەر كوبەيىپ تۇرعاندا تاۋ-تاستاعى فاشيستىك بەلگىنى قالا بيلىگى نازارعا الىپ، وشىرەدى دەگەنگە سەنبەيمىن.

الپينيست ارتەم سكوپين كتك ارناسىنا بەرگەن تۇسىنىكتەمەسىندە مۇنداي بەلگىلەردىڭ پايدا بولعانىنا 6-7 جىل بولعانىن العا تارتىپتى.العاشىندا بىرەۋدىڭ ەرمەگى شىعار دەپ ءمان بەرمەگەن. كەيىن كەلە وسى ءبىر كورىنىستى ءجيى كەزدەستىرە باستاپتى. ەندى مىنە سوڭعى جىلدارى ءتىپتى تاۋ باسىنداعى مۇزدىققا دەيىن قاپتاپ كەتكەنىن ايتىپ وتىر.

[caption id="attachment_29409" align="aligncenter" width="900"] كتك ارناسىنان الىنعان سكرينشوت[/caption]

– ءجۇرىپ كەلە جاتىپ باسىڭدى كوتەرسەڭ كوزىڭە بىردەن وسى ءبىر سۋرەت تۇسەدى. مۇنى «شاعىن الماتى» شاتقالىندا عانا ەمەس، قالا ماڭىنداعى بارلىق تاۋلاردان كەزدەستىرۋگە بولادى. شەتەلدەن كەلگەن تۋريستەردەن ۇيات. سوندىقتان بۇزاقىلاردى ۇستاۋعا قوعام بولىپ اتسالىسقان ءجون. سالىپ جاتقان ادامدى ۇستاۋعا قانشاما رەت تىرىستىق. ءبىراق تۇك شىقپادى، – دەيدى الماتى قالالىق الپينيزم فەدەراسياسىنىڭ پرەزيدەنتى ارتەم سكوپين.

الماتىنىڭ تابيعاتى مەن تاۋلارىن تاماشالاۋعا كەلگەن تۋريستەر دە سوڭعى كەزدە فاشيستىك بەلگىنى ءجيى كەزدەستىرىپ جۇرگەندەرىنە قاپالى. قانشا ەلگە باردىق، ءبىراق ءدال وسىنداي سوراقى سۋرەتتى كورمەگەندەرىن ايتادى.

ال پوليسياداعىلار بۇل ارەكەتتىڭ ۇساق بۇزاقىلىققا جاتاتىنىن ايتتى. جازاسى تەك ايىپپۇلمەن شەكتەلەدى. ءبىراق بۇل دەرەك بويىنشا ىشكى ىستەر ورگاندارىنا ەشقانداي شاعىم تۇسپەپتى.

ەلىمىز ءۇشىن ماڭىزدى، ىرگەلى قالادا وسىنداي كوڭىلگە كىربىڭ تۇسىرەتىن جايتتاردىڭ كوبەيۋى حالقىتىڭ اكىمدىككە دەگەن رەنىشىن تۋعىزاتىنى انىق. سوندىقتان بۇل ماسەلەنى ورىستەتپەي باۋىرجان بايبەك مىرزانىڭ تەز ارادا شەشكەنىن قالايمىز.

https://dalanews.kz/26138

نۇرلان جۇماحان