Eger áńgimeniń ashyǵyn aitar bolsa, Almatynyń taý-tasy turmaq qalanyń ishinde de tez arada ózgertýdi qajetsinetin oǵash ataýlar jetip artylady.
Iá, Almatynyń taý-tasyna shyqsań Gitler tirilip kelgendei kúi keshesiń, al etektegi qalaǵa tússeń, meiramhana, dámhana, qonaqúilerdiń mańdaishasyndaǵy aǵylshyn, orys tilindegi jazýlarǵa kóziń túsip, bóten elde júrgenińdi yńǵaisyz jaǵdaiǵa tap bolasyń.
Osydan birshama ýaqyt buryn dalanews.kz saitynda «Baibek myrza, Maqataev kóshesinde «Na Pastera» káýaphanasy qaidan júr?» dep maqala jazǵan edik. Arada birshama ýaqyt ótkennen keiin káýaphananyń mańdaishayndaǵy jazý joǵaldy.
https://dalanews.kz/25585
Sol kezde qala ákimi bizdiń oi-pikirimizge nazar aýdaryp, bul máseleni rettegen eken dep qýanyshymyz qoinymyzǵa syimai «Baýyrjan Baibekke Muqaǵalidyń árýaǵy riza bolǵan shyǵar?» dep bir maqala jazyp tastaǵan edik.
[caption id="attachment_29408" align="aligncenter" width="883"]
Ókinishke orai, qýanyshymyz uzaqqa sozylmady. Arada bir ai ótkennen keiin Maqataev kóshesimen (Paster kóshesimen shatastyrmańyzdar) ketip bara jatqanymyzda káýaphana qojaiyndar «Na Pastera» degen jazýdy burynǵydan da úlkeitip, alty shaqyrym jerden anyq kóretindei jazyp qoiǵanyn kórgende biz kótergen máselege qala basshysy múlde nazar aýdarmaǵanyn bilip, alyp ushqan kóńilimiz sý sepkendei basyldy.
Maqataev kóshesiniń boiynda «Na Pastera» dep káýaphana ashqan adam úshin Qazaqstannyń táýelsizdiginiń bes tiyndyq qadiri joq ekenin bilemiz. Eger kásipker elimizdi, Táýelsizdigimizdi syilasa óziniń káýaphanasyn Keńes zamandaǵy kósheniń atymen atamas edi.
[caption id="attachment_29407" align="aligncenter" width="900"]
Al osyndai ospadarlyqqa jol berip qoiǵan qala Almaty qalasy ákimdiginiń uzyn arqan, keń tusaýǵa salynyp, bei-jai otyrýyn qalai túsinýge bolady?
Qalanyń ishinde osyndai óreskel qatelikter kóbeiip turǵanda taý-tastaǵy fashistik belgini qala biligi nazarǵa alyp, óshiredi degenge senbeimin.
Alpinist Artem Skopin KTK arnasyna bergen túsiniktemesinde mundai belgilerdiń paida bolǵanyna 6-7 jyl bolǵanyn alǵa tartypty.Alǵashynda bireýdiń ermegi shyǵar dep mán bermegen. Keiin kele osy bir kórinisti jii kezdestire bastapty. Endi mine sońǵy jyldary tipti taý basyndaǵy muzdyqqa deiin qaptap ketkenin aityp otyr.
[caption id="attachment_29409" align="aligncenter" width="900"]
– Júrip kele jatyp basyńdy kóterseń kózińe birden osy bir sýret túsedi. Muny «Shaǵyn Almaty» shatqalynda ǵana emes, qala mańyndaǵy barlyq taýlardan kezdestirýge bolady. Shetelden kelgen týristerden uiat. Sondyqtan buzaqylardy ustaýǵa qoǵam bolyp atsalysqan jón. Salyp jatqan adamdy ustaýǵa qanshama ret tyrystyq. Biraq túk shyqpady, – deidi Almaty qalalyq alpinizm federatsiiasynyń prezidenti Artem Skopin.
Almatynyń tabiǵaty men taýlaryn tamashalaýǵa kelgen týrister de sońǵy kezde fashistik belgini jii kezdestirip júrgenderine qapaly. Qansha elge bardyq, biraq dál osyndai soraqy sýretti kórmegenderin aitady.
Al politsiiadaǵylar bul árekettiń usaq buzaqylyqqa jatatynyn aitty. Jazasy tek aiyppulmen shekteledi. Biraq bul derek boiynsha ishki ister organdaryna eshqandai shaǵym túspepti.
Elimiz úshin mańyzdy, irgeli qalada osyndai kóńilge kirbiń túsiretin jaittardyń kóbeiýi halqytyń ákimdikke degen renishin týǵyzatyny anyq. Sondyqtan bul máseleni óristetpei Baýyrjan Baibek myrzanyń tez arada sheshkenin qalaimyz.
https://dalanews.kz/26138
Nurlan JUMAHAN
