بيىل ەكىنشى دۇنيەجۇزىلىك سوعىستىڭ اياقتالعانىنا – 79 جىل. 9 مامىر جەڭىس كۇنى باتىس قازاقستان وبلىسىنىڭ اكىمى ناريمان تورەعالييەۆ وبلىس ورتالىعىنداعى «جەڭىس» الاڭىنا بارىپ، ماڭگىلىك الاۋعا گۇل شوقتارىن قويدى، – دەپ حابارلايدى Dalanews.kz بقو اكىمىنىڭ باسپا ءسوز قىزمەتىنە سىلتەمە جاساپ.
ءىس-شاراعا ەڭبەك ارداگەرلەرى، قۇقىق قورعاۋ سالاسىنىڭ قىزمەتكەرلەرى، زيالى قاۋىم وكىلدەرى، قوعام بەلسەندىلەرى مەن جاستار قاتىستى.
جينالعاندار سۇراپىل سوعىس جىلدارىندا كەۋدەسىن وتقا توسىپ، بەيبىتشىلىك ءۇشىن كۇرەسكەن باتىرلارعا تاعزىم جاساپ، گۇل شوقتارىن قويدى.
گۇل شوقتارىن قويۋ راسىمىنەن سوڭ، بقو اكىمى ناريمان تورەعالييەۆ ورال قالاسىندا تۇراتىن سوعىس جانە ەڭبەك ارداگەرلەرىنىڭ ۇيىنە باردى.
اتاپ ايتقاندا، ناريمان تورەعالييەۆ سوعىس ارداگەرلەرى – يۆان گاپيچتى، ۆەنيامين سكالەنكونى جانە تىل ارداگەرى – اقباي جايساڭدى جەڭىس كۇنىمەن قۇتتىقتادى.
بقو اكىمى سوعىس ارداگەرلەرىنە ق ر پرەزيدەنتى قاسىم-جومارت كەمەل ۇلى توقايەۆتىڭ اتىنان قۇتتىقتاۋ حاتتارىن تابىس ەتتى.
– ارداگەرلەرىمىزدىڭ ۇلى ەرلىگىن ءاربىر قازاقستاندىق قۇرمەتتەپ، ەستە ساقتاۋى كەرەك. سىزدەردىڭ ارقالارىڭىزدا قازىرگى ۇرپاق بەيبىت كۇندە ءومىر ءسۇرىپ جاتىر. ارداگەرلەرگە قامقورلىق كورسەتۋ – ءبىزدىڭ ورتاق پارىزىمىز. ولارعا قولداۋ ءبىلدىرۋ ءارقاشان مەملەكەتتىڭ باستى نازارىندا بولادى، – دەدى وبلىس اكىمى ناريمان تورەعالييەۆ.
قازىرگى ۋاقىتتا باتىس قازاقستان وبلىسىندا ۇوس-نىڭ 14 ارداگەرلەرى بار. بيىل 9 مامىر قارساڭىندا ولاردىڭ ءارقايسىسىنا 1،5 ملن تەڭگەدەن الەۋمەتتىك كومەك بەرىلدى.
