Biyl ekinshi dúniejúzilik soǵystyń aiaqtalǵanyna – 79 jyl. 9 mamyr Jeńis kúni Batys Qazaqstan oblysynyń ákimi Nariman Tóreǵaliev oblys ortalyǵyndaǵy «Jeńis» alańyna baryp, máńgilik alaýǵa gúl shoqtaryn qoidy, – dep habarlaidy Dalanews.kz BQO ákiminiń baspasóz qyzmetine silteme jasap.
Is-sharaǵa eńbek ardagerleri, quqyq qorǵaý salasynyń qyzmetkerleri, ziialy qaýym ókilderi, qoǵam belsendileri men jastar qatysty.
Jinalǵandar surapyl soǵys jyldarynda keýdesin otqa tosyp, beibitshilik úshin kúresken batyrlarǵa taǵzym jasap, gúl shoqtaryn qoidy.
Atap aitqanda, Nariman Tóreǵaliev soǵys ardagerleri – Ivan Gapichti, Veniamin Skalenkony jáne tyl ardageri – Aqbai Jaisańdy Jeńis kúnimen quttyqtady.
– Ardagerlerimizdiń uly erligin árbir qazaqstandyq qurmettep, este saqtaýy kerek. Sizderdiń arqalaryńyzda qazirgi urpaq beibit kúnde ómir súrip jatyr. Ardagerlerge qamqorlyq kórsetý – bizdiń ortaq paryzymyz. Olarǵa qoldaý bildirý árqashan memlekettiń basty nazarynda bolady, – dedi oblys ákimi Nariman Tóreǵaliev.
Qazirgi ýaqytta Batys Qazaqstan oblysynda UOS-nyń 14 ardagerleri bar. Biyl 9 mamyr qarsańynda olardyń árqaisysyna 1,5 mln teńgeden áleýmettik kómek berildi.
