قاراشىعاناق كەن ورنىندا قۋاتتىلىعى جىلىنا 4 ملرد تەكشە مەتر گاز ٶڭدەۋ زاۋىتى سالىنادى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە باتىس قازاقستان وبلىسىنىڭ ەكٸمٸ ناريمان تٶرەعاليەۆ ايتتى, – دەپ حابارلايدى Dalanews.kz بقو ەكٸمٸنٸڭ باسپاسٶز قىزمەتٸنە سٸلتەمە جاساپ.
باتىس قازاقستان وبلىسىندا ٶندٸرٸس سالاسى تۇراقتى دامىپ كەلەدٸ. ٶڭٸر باسشىلىعى ينۆەستيتسييا تارتۋ ارقىلى ٶندٸرٸس ورىندارىن اشىپ, وتاندىق جەنە جەرگٸلٸكتٸ ٶنٸم تٷرلەرٸن كٶبەيتۋدٸ باستى نازارعا قويىپ وتىر.
رەسپۋبليكا كٷنٸ قارساڭىندا مۇناي گاز سالاسىنا قاجەتتٸ كەيبٸر جابدىقتاردى ٶندٸرەتٸن زاۋىت ٸسكە قوسىلىپ, شيكٸزات ٶندٸرٸسٸنە قاجەتتٸ قۇرال-جابدىقتار ٶندٸرٸلە باستادى.
ٶڭٸردە ٶنەركەسٸپ كٶلەمٸن ارتتىرۋ باعىتىندا قاراشىعاناقتى كەڭەيتۋ جوباسى ٸسكە اسىرىلۋدا. ٶتكەن جىلى 4-شٸ كومپرەسسور, اعىمداعى جىلى 5-شٸ كومپرەسسور پايدالانۋعا بەرٸلدٸ. ال, 6-شٸ كومپرەسسوردىڭ قۇرىلىسى اياقتالۋعا جاقىن.
اتالعان جوبا قاراشىعاناق كەن ورنىنداعى شيكٸ گازدى دايىنداۋ, كەرٸ ايداۋ جەنە گازدى ٶندٸرۋ كٶلەمٸن ۇلعايتۋعا باعىتتالعان.
الداعى ۋاقىتتا قاراشىعاناق كەن ورنىندا قۋاتتىلىعى جىلىنا 4 ملرد تەكشە مەتر گاز ٶڭدەۋ زاۋىتىن سالۋ جوسپارلانۋدا. قازٸر وسى باعىتتا جۇمىستار اتقارىلۋدا. بولاشاقتا جاڭا گاز ٶڭدەۋ زاۋىتىنىڭ ٸسكە قوسىلۋى تۇرعىنداردى, ەلدە ٶندٸرٸلگەن تاۋار گازىمەن قامتاماسىز ەتۋگە سەرپٸن بەرەدٸ.
