الماتى وبلىسى ەكٸمٸنٸڭ ايتۋىنشا, اۋداندا 24 كەسٸپورىن بولسا, سونىڭ 18-ٸ ٶڭدەۋشٸ كەسٸپورىندار, سونىڭ ٸشٸندە 15 ناۋبايحانا, 2 بالىق ٶڭدەۋشٸ, 1 بال ٶڭدەۋشٸ كەسٸپورىن جۇمىس ٸستەيدٸ.
دەگەنمەن شيكٸزات جەتٸسپەۋشٸلٸگٸنە بايلانىستى «پولياكوۆ» كٷنباعىس مايىن شىعارۋ تسەحى, «الاكٶل-نان» مايلى داقىلداردى ٶڭدەۋ تسەحى, «قايىڭدى» ەت ٶڭدەۋ كەشەنٸ توقتاپ تۇر. جٷكتەمەسٸ ازايعان كەسٸپورىندار دا بار. سوندىقتان داقىلدار ٶنٸمدٸلٸگٸن ارتتىرۋ, توقتاپ تۇرعان كەسٸپورىنداردىڭ جۇمىسىن جانداندىرۋ جەنە ٶندٸرٸس كٶلەمٸن ۇلعايتۋ شارالارىن جەدەل قولعا الۋ قاجەت.
ەكٸم بايانداماسىندا ايتىلعانداي, توقجايلاۋ, قوڭىر, بيباقان, كەڭەس اۋىلدارىن ورتالىق سۋمەن جابدىقتاۋ ٷشٸن جسق ەزٸرلەنۋدە. سونداي-اق, تەرەكتٸ, لەپسٸ, كٶكتۇما, بۇلاقتى اۋىلدارىنداعى سۋ قۇبىرى جەلٸلەرٸن قايتا جاڭارتۋ قۇجاتتارىن ەزٸرلەۋ جۇمىستارى باستالدى. سونىڭ نەتيجەسٸندە 4 اۋىل ورتالىق سۋ جٷيەسٸمەن قامتىلىپ, تاعى 4 اۋىلدا اۋىز سۋ ساپاسى جاقسارادى. جولداردى جٶندەۋگە دە كٶپ كٶڭٸل بٶلٸنەتٸن بولادى.
وبلىس باسشىسى ٶز سٶزٸندە الاكٶل كٶلٸنٸڭ تۋريستٸك ەلەۋەتٸنە ەرەكشە توقتالدى. مەسەلەن, جازعى ماۋسىمنىڭ قورىتىندىسى بويىنشا قوسىمشا اۆيارەيستەر مەن پويىزدار ەسەبٸنەن كٶل جاعالاۋىنا 1 ميلليوننان استام ادام كەلدٸ.
– جاعالاۋدى اباتتاندىرۋ جۇمىستارىن جالعاستىرامىز. سونىڭ ٸشٸندە اقشي اۋىلىنىڭ سۋمەن جابدىقتاۋ جٷيەسٸ جاڭارتىلىپ, سالىندى. جىل سوڭىنا دەيٸن ٷشارال قالاسى ەۋەجايىنىڭ ۇشىپ قونۋ جولاعىنىڭ, «قابانباي-كٶكتۇما» اۆتوجولىنىڭ جٶندەۋٸ اياقتالادى. «قازاقستانتەمٸرجولىمەن» «تالگو» جٷردەك پويىزىن جٷرگٸزۋ تۋرالى مەموراندۋمعا قول قويدىم. بۇل رەيستەر جەرگٸلٸكتٸ بيۋدجەت ەسەبٸنەن سۋبسيدييالاناتىن بولادى, – دەپ اتاپ ٶتتٸ ق.بوزىمباەۆ.
سول سيياقتى دەنساۋلىق ساقتاۋ, بٸلٸم بەرٸ, ەلەۋمەتتٸك سالالاردىڭ جاي-كٷيٸ دە تالقىلاندى. مەسەلەن, مەديتسينا سالاسىندا سانيتارلىق اۆتوكٶلٸكپەن قامتاماسىز ەتۋدە, كادر تابۋ جاعىنان مەسەلەلەر اۋداندا ەلٸ دە بار.
بٸر قۋانارلىعى, اقشي اۋىلىنداعى «جالىن» قالا سىرتىنداعى لاگەرٸ قايتا جاڭارتىلۋدا. نىسان ٸسكە قوسىلعاندا وقۋشىلاردىڭ سٷيٸكتٸ دەمالىس ورنىنا اينالادى. دوستىق جەنە لەپسينسك اۋىلدارىندا دەنە شىنىقتىرۋ-ساۋىقتىرۋ كەشەندەرٸنٸڭ قۇرىلىسى وسى جىلى اياقتالادى. قۇرىلىسقا 1 ملرد تەڭگە بٶلٸنگەن.
الاكٶل اۋدانىنا جاساعان ساپارى كەزٸندە قانات بوزىمباەۆ اۋىل شارۋاشىلىعى, ٶنەركەسٸپ, دەنساۋلىق ساقتاۋ, سپورت, جول جەنە كٶلٸك, كوممۋنالدىق شارۋاشىلىق نىساندارىن ارالاپ, جۇمىس بارىسىمەن تانىستى.
بۇدان ەرٸ اۋدان تۇرعىندارىمەن كەزدەسٸپ, اشىق ەڭگٸمە جٷرگٸزدٸ. جيىندا الاكٶلدٸكتەر پايدالانىلماعان جەرلەردٸ يگەرۋ, تۇرعىن ٷي قۇرىلىسىنا, بەتون زاۋىتىن سالۋعا جەر ۋچاسكەسٸن بٶلۋ, سۋارمالى سۋ تاپشىلىعى, كٶلدٸڭ جاعالاۋىن بەكٸتۋ, جاعالاۋدى تازالاۋ, جىلۋ قازاندىعىن جٶندەۋ, مال تەرٸسٸ مەن جٷنٸن ٶڭدەيتٸن كەسٸپورىن اشۋ, قابانباي اۋىلىنا سپورت كەشەنٸن سالۋ, ٷشارال – اقشي, تەرەكتٸ – تالدىبۇلاق جەنە باسقا دا ەلدٸ مەكەندەر اراسىنداعى جولداردى, كٸشٸ كٶپٸرلەردٸ جٶندەۋ سيياقتى ٶزەكتٸ مەسەلەلەر كٶتەردٸ.
كٶكتۇما اۋىلىنىڭ تۇرعىنى جاعالاۋدى بەكٸتۋ مەسەلەسٸنە ەرەركشە توقتالدى.
– كٶل جاعالاۋىنىڭ 13 شاقىرىمىن بەكٸتۋ جۇمىستارى كٶكتۇما اۋىلىنان 2020 جىلى باستالعان. بٸراق قازٸر جۇمىس توقتاپ تۇر. بار جاسالعانى 800 مەتر جەر. سونىڭ ٸشٸندە كٶكتۇماعا تيەسٸلٸسٸ 200 مەتر عانا. كٶكتۇما اۋىلىنىڭ بەرەگوۆوە كٶشەسٸن سۋ الىپ كەتتٸ. ەكٸنشٸ كٶشەنٸڭ 500 مەتر جولىن سۋ الىپ, باعانا قۇلاپ, اۋىز سۋ جەلٸسٸن دە سۋ شايىپ كەتتٸ. شىعىسقا شىعاتىن جول تۋپيك بولىپ قالدى. جاعالاۋدى بەكٸتۋ جۇمىستارىن قايتا قولعا الساڭىزدار ەكەن, – دەدٸ زەينەتكەر اۋىلداستارىنىڭ ٶتٸنٸشٸن جەتكٸزٸپ.
قۇرىلىس باسقارماسى باسشىسىنىڭ جاۋابىنا قاناعاتتانباعان وبلىس ەكٸمٸ قانات بوزىمباەۆ 2 جىلدا نەتيجە جوق بولسا, ونىڭ ٷش سەبەبٸ بولۋى مٷمكٸن ەكەنٸن ايتتى: نە مەملەكەتتٸك ورگان جوبانى دۇرىس دايىنداماعان, نە قارجىلاندىرۋ كەشەۋٸلدەگەن, نە مەردٸگەردٸڭ جاۋاپسىزدىعىنان ورىن الىپ وتىر. ال مەردٸگەر جاۋاپسىز بولسا, كەلٸسٸمشارتتى بۇزۋ قاجەت.
– ەڭ الدىمەن دۇرىس مەردٸگەردٸ انىقتاۋ كەرەك. مامىر ايى باستالۋعا جاقىن, ال ولار ەلٸ ماتەريال دايىنداپ جاتىر. بۇلاي بولمايدى, كەلەسٸ دٷيسەنبٸدە بٷكٸل قۇجاتتاردى الدىما الىپ كەلٸپ, جاعدايدى باياندايسىز. بۇل جۇمىس مەنٸڭ جەكە باقىلاۋىمدا بولادى» دەدٸ قانات بوزىمباەۆ وبلىستىق قۇرىلىس باسقارماسىنىڭ باسشىسىنا.
