تٷركٸستان قالاسىندا "تەگٸن-قايىرىمدىلىق دٷكەنٸ" اشىلدى. مۇندا كٶپبالالى انالار مەن تۇرمىسى تٶمەن وتباسىلارعا ازىق-تٷلٸك پەن كيٸم-كەشەك تەگٸن بەرٸلەدٸ.
«ۇلى جەڭٸس كٷنٸ» قارساڭىندا اشىلۋ سالتاناتى ٶتكەن دٷكەن وبلىستىق اقساقالدار القاسى مەن «قوعامدىق كەلٸسٸم» كەڭەسٸنٸڭ باستاماسىمەن قولعا الىنعان.
اتالعان شاراعا قالا ەكٸمٸ ە.ٶسەرباەۆ, كەسٸپكەرلەر مەن باق ٶكٸلدەرٸ قاتىستى.
ساۋابى مول ٸستٸڭ تۇرعىندار يگٸلٸگٸ ٷشٸن قاجەتتٸلٸگٸ وراسان ەكەنٸن ايتقان قالا باسشىسى ەلٸپبەك ٶسەرباەۆ ٶز تاراپىنان قولداۋعا دايىن ەكەندٸگٸن جەتكٸزدٸ.
«دٷكەن اپتانىڭ تەك سەرسەنبٸ كٷنٸ جۇمىس ٸستەيدٸ. مۇندا قالانىڭ 8 مٶلتەك اۋدانىنىڭ كٶشە كوميتەتٸنٸڭ تٶراعالارى جاساعان تٸزٸمدەر بويىنشا مۇقتاج وتباسىلارعا ازىق-تٷلٸك, كيٸم-كەشەك قاجەتٸلٸگٸنە قاراي بەرٸلەتٸن بولادى.
ناقتىراق ايتقاندا, ەر اپتادا 40-50 ادامعا كٶمەك كٶرسەتٸلمەك. ول تٸزٸمگە كٶپبالالى جەنە تۇرمىسى تٶمەن وتباسىلار ەنگٸزٸلەدٸ», – دەدٸ وبلىستىق اقساقالدار القاسىنىڭ تٶراعاسى ج.ەزٸرەتبەرگەنوۆ.
قازٸرگٸ تاڭدا دٷكەندە 2 توننا ازىق-تٷلٸك, 4 مىڭ دانا كيٸم بار.
نەگٸزٸنەن دٷكەننٸڭ قورى قالاداعى دەمەۋشٸلەردٸڭ ەسەبٸنەن تولىقتىرىلادى.
اتالمىش دٷكەن قالامىزداعى ەل-فارابي كٶشەسٸ №26 ٷي مەكەنجايىندا ورنالاسقان.
