Túrkistan qalasynda "Tegin-qaıyrymdylyq dúkeni" ashyldy. Munda kópbalaly analar men turmysy tómen otbasylarǵa azyq-túlik pen kıim-keshek tegin beriledi.

 «Uly Jeńis kúni»  qarsańynda ashylý saltanaty ótken dúken oblystyq aqsaqaldar alqasy men «Qoǵamdyq kelisim» keńesiniń bastamasymen qolǵa alynǵan.

Atalǵan sharaǵa qala ákimi Á.Óserbaev, kásipkerler men BAQ ókilderi qatysty.

Saýaby mol istiń turǵyndar ıgiligi úshin qajettiligi orasan ekenin aıtqan  qala basshysy Álipbek Óserbaev óz tarapynan qoldaýǵa daıyn ekendigin jetkizdi.

 «Dúken aptanyń tek sársenbi kúni jumys isteıdi. Munda qalanyń 8 móltek aýdanynyń kóshe komıtetiniń tóraǵalary jasaǵan tizimder boıynsha muqtaj otbasylarǵa azyq-túlik, kıim-keshek qajetiligine qaraı beriletin bolady.

Naqtyraq aıtqanda, ár aptada 40-50 adamǵa kómek kórsetilmek. Ol tizimge kópbalaly jáne turmysy tómen otbasylar engiziledi», – dedi oblystyq aqsaqaldar alqasynyń tóraǵasy J.Áziretbergenov.

Qazirgi tańda dúkende 2 tonna azyq-túlik, 4 myń dana kıim bar.

Negizinen dúkenniń qory qaladaǵy demeýshilerdiń esebinen tolyqtyrylady.

Atalmysh dúken qalamyzdaǵy Ál-Farabı kóshesi №26 úı mekenjaıynda ornalasqan.