شارانىڭ ماقساتى – ەلباسى ن.ە.نازارباەۆتىڭ ەلەمدٸك دەڭگەيدەگٸ قايراتكەرلٸگٸن, قوعامدىق-ساياسي قىزمەتٸ مەن ەڭبەكتەرٸن كەڭٸنەن ناسيحاتتاۋ, جاستاردىڭ وتانشىلدىق سەزٸمٸن دامىتۋ.
كونفەرەنتسييانىڭ اشىلۋ سالتاناتىندا سٶز سٶيلەگەن قالا ەكٸمٸنٸڭ ورىنباسارى باقتييار مەكەن ەلوردانىڭ قالىپتاسۋىنداعى ەلباسىنىڭ رٶلٸ جايلى بايان ەتتٸ.
نۇرسۇلتان ەبٸشۇلىنىڭ ساياسي ەرٸك جٸگەرٸنٸڭ ارقاسىندا ەلوردامىز سوناۋ الماتى قالاسىنان ارقاعا كٶشٸرٸلدٸ. بٷگٸندە باس قالامىز تەك سەۋلەتٸمەن عانا ەمەس دەۋلەتٸمەن دە تانىلدى. ەلوردامىزدىڭ دٷنيەجٷزٸنە تانىمال بولۋىنا ەلباسىمىزدىڭ قوسقان ٷلەسٸ زور. ەلباسىنى ەلوردامىزدىڭ ارحيتەكتورى دەپ ايتامىز.
ونىڭ باستامالارىنىڭ نەتيجەسٸندە ەلوردامىزدىڭ ٸرٸ حالىقارالىق ساياسي-ەكونوميكالىق, سپورتتىق, رۋحاني شارالاردىڭ ورتالىعىنا اينالدى. سونداي-اق, ەلەمدٸك تاتۋلىق پەن بٸرلٸكتٸ ناسيحاتتايتىن قالا بولدى, – دەدٸ باقتييار مەكەن. سونىمەن قاتار, ول ەلباسىنىڭ قولداۋىمەن ٶتكەن جاستار جىلىندا ەل استاناسى جاستاردىڭ قالاسىنا اينالعانىن تٸلگە تيەك ەتتٸ.
– تۇڭعىش پرەزيدەنتتٸڭ قولداۋىمەن ٶتكەن بيىلعى جاستار جىلى ەل جاستارىن جان-جاقتى قولداۋعا جاڭا مٷمكٸندٸكتەر اشتى. نۇر-سۇلتان قالاسى جاستاردىڭ قالاسىنا اينالدى. وعان دەلەل ۋنيۆەرسيتەتتەر سانى 7-دەن 16-عا دەيٸن كٶبەيسە, وندا بٸلٸم الۋشىلار سانى 62 مىڭنان استى. ال ورتا بٸلٸم بەرەتٸن مەكتەپتەر سانى 39-دان 117-كە دەيٸن جەتتٸ, – دەدٸ قالا ەكٸمٸنٸڭ ورىنباسارى.
