Sharanyń maqsaty – Elbasy N.Á.Nazarbaevtyń álemdik deńgeidegi qairatkerligin, qoǵamdyq-saiasi qyzmeti men eńbekterin keńinen nasihattaý, jastardyń otanshyldyq sezimin damytý.
Konferentsiianyń ashylý saltanatynda sóz sóilegen qala ákiminiń orynbasary Baqtiiar Máken elordanyń qalyptasýyndaǵy Elbasynyń róli jaily baian etti.
Nursultan Ábishulynyń saiasi erik jigeriniń arqasynda elordamyz sonaý Almaty qalasynan arqaǵa kóshirildi. Búginde bas qalamyz tek sáýletimen ǵana emes dáýletimen de tanyldy. Elordamyzdyń dúniejúzine tanymal bolýyna Elbasymyzdyń qosqan úlesi zor. Elbasyny elordamyzdyń arhitektory dep aitamyz.
Onyń bastamalarynyń nátijesinde elordamyzdyń iri halyqaralyq saiasi-ekonomikalyq, sporttyq, rýhani sharalardyń ortalyǵyna ainaldy. Sondai-aq, álemdik tatýlyq pen birlikti nasihattaityn qala boldy, – dedi Baqtiiar Máken. Sonymen qatar, ol Elbasynyń qoldaýymen ótken Jastar jylynda el astanasy jastardyń qalasyna ainalǵanyn tilge tiek etti.
– Tuńǵysh Prezidenttiń qoldaýymen ótken biylǵy Jastar jyly el jastaryn jan-jaqty qoldaýǵa jańa múmkindikter ashty. Nur-Sultan qalasy jastardyń qalasyna ainaldy. Oǵan dálel ýniversitetter sany 7-den 16-ǵa deiin kóbeise, onda bilim alýshylar sany 62 myńnan asty. Al orta bilim beretin mektepter sany 39-dan 117-ke deiin jetti, – dedi qala ákiminiń orynbasary.
