مەجٸلٸس دەپۋتاتى, بەلگٸلٸ ساياساتكەر ەرمۇرات باپي ەسكٸ قازاقستان بٸر عانا نازارباەۆ ەمەس ەكەنٸن ايتتى, - دەپ حابارلايدى
"ەسكٸ قازاقستان دەگەندە بۇل جٷيە بٸر نازارباەۆپەن عانا ٶلشەنبەيدٸ. نازارباەۆتىڭ وتىز جىل بويى قۇرعان جٷيەسٸ عوي. ەربٸر ساتىسىندا, ەربٸر بۇرىشىندا, ەربٸر دەڭگەيٸندە شەگەلەنٸپ قاتىپ قالعان بيۋروكراتييالىق, اۆتوريتارلىق بيلٸكتٸڭ شەنەۋنٸكتەرٸ نەمەسە سونداي فۋنكتسييالىق مٸندەتتەر اتقاراتىن لاۋازىمدار بار. سوندىقتان بٸر نازارباەۆ پەنسيياعا كەتتٸ ەكەن دەپ بەرٸ ٶزگەرە قالعان جوق. ٶيتكەنٸ قالىپتاسقان جٷيەدەن ٶزگەرٸپ, جاڭا قازاقستانعا لايىقتاپ, سانادا ٶزگەرٸستەر بولۋى كەرەك. قۇجاتپەن ٶزگەرتە سالۋعا بولادى. ...سوڭعى ەكٸ جىلدىڭ ٸشٸندە, قاڭتاردان كەيٸن بٸراز تازالاندى (ەسكٸ قازاقستاننىڭ "سارا جولىن ۇستاناتىندار" - ەسك.). مەن ٶزٸم بايقاپ جٷرمٸن. بيلٸكتٸڭ اپپاراتىندا, بيلٸك باسىندا وتىرعان لاۋازىمگەرلەر بٸراز تازالاندى. بىلتىرعى كٷزدەگٸ ٷكٸمەتتەگٸ اۋىس-تٷيٸستەن كەيٸن, بيىلعى اۋىس-تٷيٸستەن كەيٸن, ودان كەيٸنگٸ پرەمەر-مينيستر اۋىستى, سودان كەيٸن تازالانۋ بٸراز جٷردٸ. دەگەنمەن ورتا بۋىن, نەگٸزگٸ جۇمىستى اتقاراتىن ساياسي تۇلاعالار, مينيستر, ەكٸم دەگەندەر ساياسي لاۋازىم عوي. قاڭتاردان كەيٸن ەكٸمدەر, مينيسترلەر تولىق ٶزگەردٸ. ەسكٸدەن قالعان بٸرەن-ساران بٸرەۋلەر بولماسا, بارلىعى ٶزگەردٸ. بٸراق مەسەلە ادامنىڭ ٶزگەرۋٸندە ەمەس, سانانىڭ ٶزگەرۋٸندە", - دەدٸ ول.
سونىمەن قاتار, دەپۋتات نازارباەۆتىڭ قازٸر قانشالىق ىقپالى بار ەكەنٸن دە ايتتى.
"ساياسي تۇرعىدا ىقپالى بولماسا دا, قاڭتاردان كەيٸن ول ساياسي پەرمەنٸنٸڭ قۇدٸرەتٸنەن ايىرىلدى. بٸراق ەكونوميكالىق, قارجىلىق تۇرعىدا, اكتيۆتەر تۇرعىسىندا ەلٸ دە ىقپالى بار دەپ ويلايمىن", - دەدٸ ساياساتكەر.
ەرمۇرات باپي نازارباەۆ تۋرالى قازٸر ويى قانداي ەكەنٸن ايتتى.
"ول مەن ٷشٸن پەنسيونەر. ...بٸزدٸڭ ەلدٸ وتىز جىل باسقارىپ, ەڭ باستىسى نازارباەۆتىڭ اۆتوريتارلىق بيلٸگٸ قازاقستاندا قازاق حالقىنىڭ ەرٸك-جٸگەرٸن جانشىعان, قۇم قىلعان. اۆتوريتارلى بيلٸك يەسٸ بولدى. قازٸر نازارباەۆتىڭ بيلٸك زامانىنىڭ جەمٸسٸن جەپ جاتىرمىز. ەڭ باستىسى قوعام, حالىق قيىندىقتاردا توقىراۋعا تاپ بولعانى, رۋحاني تۇرعىدا توقىراۋعا تاپ بولعانى, اۋىلدىڭ قالاعا دٷركٸرەي كٶشۋٸ, جۇمىسسىزدىق, ەدٸلەتسٸز جەكەشەلەندٸرۋ, جەكە باسقا تابىنۋ دەگەن سيياقتى جٷيە قوعامدا ٸزٸن سالىپ كەتتٸ. نازارباەۆتىڭ وتىز جىلعى بيلٸگٸن سارالاي كەلگەندە مٸندەتتٸ تٷردە حالىقتىق جاۋاپقا تارتىلۋى كەرەك ادام. ول جاۋاپ بەرۋٸ كەرەك. حالىقتىڭ الدىندا ەسەپ بەرۋٸ كەرەك. ول الدى دا كەتتٸ. كٶپتەگەن مەسەلە جٶنٸندە ونى جاۋاپقا شاقىرۋ كەرەك", - دەدٸ دەپۋتات.
