الماتىداعى بالالار ۇيىندە تۇراتىن بالالار جوندەۋ جۇمىستارى كەزىندە بىر-بىرىنەن اجىراپ قالامىز با دەپ الاڭداپ وتىر. ولار بۇل تۋرالى الەۋمەتتىك جەلىدە جاريالانعان مالىمدەمەدە ايتتى، دەپ حابارلايدى Dalanews.kz.
بەينەۇندەۋدە تاربيەلەنۋشىلەر جەرگىلىكتى بيلىككە قايىرىلىپ، بىرگە قالدىرۋدى سۇرايدى.
"بۇعان دەيىن جوندەۋ كەزىندە ەشكىمدى بولە-جارمايمىز دەپ ۋادە بەردىڭىزدەر. ال ءقازىر باسقا اقپارات ەستىپ جاتىرمىز. بىزدە ەكى كورپۋس بار، ونىڭ ءبىرى بوس تۇر. نەگە الدىمەن سونى جوندەپ، ءبارىمىزدى سوندا كوشىرمەسكە؟ كەيىن نەگىزگى عيماراتقا رەكونسترۋكسيا جاساۋعا بولادى. ەگەر شىن مانىندە ءتيىمدى شەشىم ىزدەسەڭىزدەر، ءبىزدىڭ ۇسىنىس ەڭ ۇتىمدىسى"، - دەيدى ولار.
بالالاردىڭ ايتۋىنشا، جۋىردا مەكەمەگە پرەزيدەنت اكىمشىلىگىنەن وكىلدەر كەلگەن. سول كەزدە جوندەۋ جۇمىستارى كەلەسى جىلدىڭ كوكتەمىنەن ەرتە باستالمايتىنى جانە تاربيەلەنۋشىلەردى بوس تۇرعان كورپۋسقا كوشىرۋ نەمەسە بارلىعىنا وتباسىلىق ۇلگىدەگى ۇيلەر سالۋ جوسپارلانعانى ايتىلعان.
ەسكە سالايىق، بۇعان دەيىن پرەزيدەنت قاسىم-جومارت توقايەۆ الماتىدا جەتىم بالالاردى قونايەۆقا كۇشتەپ كوشىرۋدى توقتاتۋدى تاپسىرعان بولاتىن.
