Almatydaǵy balalar úiinde turatyn balalar jóndeý jumystary kezinde bir-birinen ajyrap qalamyz ba dep alańdap otyr. Olar bul týraly áleýmettik jelide jariialanǵan málimdemede aitty, dep habarlaidy Dalanews.kz.
Beineúndeýde tárbielenýshiler jergilikti bilikke qaiyrylyp, birge qaldyrýdy suraidy.
"Buǵan deiin jóndeý kezinde eshkimdi bóle-jarmaimyz dep ýáde berdińizder. Al qazir basqa aqparat estip jatyrmyz. Bizde eki korpýs bar, onyń biri bos tur. Nege aldymen sony jóndep, bárimizdi sonda kóshirmeske? Keiin negizgi ǵimaratqa rekonstrýktsiia jasaýǵa bolady. Eger shyn máninde tiimdi sheshim izdeseńizder, bizdiń usynys eń utymdysy", - deidi olar.
Balalardyń aitýynsha, jýyrda mekemege Prezident ákimshiliginen ókilder kelgen. Sol kezde jóndeý jumystary kelesi jyldyń kókteminen erte bastalmaityny jáne tárbielenýshilerdi bos turǵan korpýsqa kóshirý nemese barlyǵyna otbasylyq úlgidegi úiler salý josparlanǵany aitylǵan.
Eske salaiyq, buǵan deiin prezident Qasym-Jomart Toqaev Almatyda jetim balalardy Qonaevqa kúshtep kóshirýdi toqtatýdy tapsyrǵan bolatyn.
