پرەمەر-مينيستردىڭ ورىنباسارى قانات بوزىمبايەۆ ۇكىمەت وتىرىسىندا تۇركىستان وبلىسى جەتىساي اۋدانى العاباس اۋىلىنداعى جەكە ۇيدە بولعان ورتكە بايلانىستى قابىلدانىپ جاتقان جەدەل شارالار تۋرالى باياندادى، دەپ حابارلايدى Dalanews.kz.
ۆيسە-پرەمەر كەشە ساعات 05.36-دا تۇركىستان وبلىسى جەتىساي اۋدانىنىڭ العاباس اۋىلىندا جەكە تۇرعىن ۇيدە ءورت شىققانىن ايتتى. ەكى قاباتتى ءۇي تولىعىمەن ورتكە ورانىپ، شاتىرى ءىشىنارا وپىرىلعان.
وقيعا ورنىنا توتەنشە جاعدايلار مينيسترلىگىنىڭ كۇش-قۇرالدارى دەرەۋ جىبەرىلگەن، ءورت ساعات 07.22-دە سوندىرىلگەن. وكىنىشكە قاراي، وقيعا ورنىندا 12 ادام قازا تاپتى، ولاردىڭ 9-ى - بالا. 3 ادام زارداپ شەكتى، ولار ءقازىر جەتىساي اۋداندىق ورتالىق اۋرۋحاناسىنىڭ جانساقتاۋ بولىمىندە جاتىر.
وقيعا ورنىندا تەرگەۋ شارالارى جۇرگىزىلىپ، ءورتتىڭ سەبەبى انىقتالىپ جاتىر. ازىرگە قىلمىس قۇرامى جوق. "ءورت قاۋىپسىزدىگى تالاپتارىن بۇزۋ" بابى بويىنشا سوتقا دەيىنگى تەرگەۋ باستالدى (قىلمىستىق كودەكستىڭ 292-بابىنىڭ 3-بولىگى).
ەسكە سالايىق، كەشە جەكە ۇيدەگى ءورت سالدارىنان 12 ادام قازا تاپتى، توعىزى - بالالار. مالىمەتكە سۇيەنسەك، ورتتەن قازا تاپقان مارقۇمدار - ءبىر اۋلەتتىڭ مۇشەلەرى.
