Premer-ministrdiń orynbasary Qanat Bozymbaev Úkimet otyrysynda Túrkistan oblysy Jetisai aýdany Alǵabas aýylyndaǵy jeke úide bolǵan órtke bailanysty qabyldanyp jatqan jedel sharalar týraly baiandady, dep habarlaidy Dalanews.kz.
Vitse-premer keshe saǵat 05.36-da Túrkistan oblysy Jetisai aýdanynyń Alǵabas aýylynda jeke turǵyn úide órt shyqqanyn aitty. Eki qabatty úi tolyǵymen órtke oranyp, shatyry ishinara opyrylǵan.
Oqiǵa ornyna Tótenshe jaǵdailar ministrliginiń kúsh-quraldary dereý jiberilgen, órt saǵat 07.22-de sóndirilgen. Ókinishke qarai, oqiǵa ornynda 12 adam qaza tapty, olardyń 9-y - bala. 3 adam zardap shekti, olar qazir Jetisai aýdandyq ortalyq aýrýhanasynyń jansaqtaý bóliminde jatyr.
Oqiǵa ornynda tergeý sharalary júrgizilip, órttiń sebebi anyqtalyp jatyr. Ázirge qylmys quramy joq. "Órt qaýipsizdigi talaptaryn buzý" baby boiynsha sotqa deiingi tergeý bastaldy (Qylmystyq kodekstiń 292-babynyń 3-bóligi).
Eske salaiyq, keshe jeke úidegi órt saldarynan 12 adam qaza tapty, toǵyzy - balalar. Málimetke súiensek, órtten qaza tapqan marqumdar - bir áýlettiń músheleri.
