شىمكەنت قالاسىنداعى قوعامدىق كٶلٸك 100 جاڭا اۆتوبۋسپەن تولىعىپ, 6 جاڭا باعىت اشىلدى. قوعامدىق كٶلٸكتەردٸڭ كٸلتٸن تابىستاۋعا قالا ەكٸمٸ م.ەيتەنوۆ قاتىسىپ قىزمەتكەرلەرگە سەتتٸلٸك تٸلەدٸ.
مەملەكەت باسشىسىنىڭ حالىققا قولايلى جاعداي جاساۋ تاپسىرماسى اياسىندا قالادا جٷيەلٸ جۇمىستار اتقارىلىپ جاتقانىن ايتقان قالا باسشىسى قالاداعى قوعامدىق كٶلٸك بيىلعى جىلى 80 پايىزعا جاڭاراتىنىن ايتتى.
«قالامىز حالىققا قولايلى بولۋ ٷشٸن قوعامدىق كٶلٸك جٷيەسٸن ودان ەرٸ دامىتامىز. بىلتىر 590 جاڭا اۆتوبۋس ساتىپ الىنىپ, ونىڭ 200 ٸسكە قوسىلعان بولاتىن. مٸنە بٷگٸن قوعامدىق كٶلٸك تاعى جاڭا 100 اۆتوبۋسپەن تولىعىپ وتىر. قالعان اۆتوبۋستاردى دا رەت-رەتٸمەن ٸسكە قوساتىن بولامىز. سوندا قوعامدىق كٶلٸك 80 پايىزعا جاڭارادى. بۇل اۆتوبۋستار گازبەن جٷرەدٸ, كونديتسيونەرٸ بار, مٷمكٸنشٸلٸگٸ شەكتەۋلٸ ازاماتتارىمىزعا قولايلى»,-دەدٸ قالا ەكٸمٸ.
سونىمەن قاتار ەكٸم قوعامدىق كٶلٸك جٷرگٸزۋشٸلەرٸ بٸرٸنشٸ كەزەكتە مەدەنيەتتٸ بولۋ كەرەك ەكەندٸگٸن اتاپ ٶتتٸ.
بٷگٸنگە دەيٸن, مەگاپوليستە 71 باعىت بولسا, ەندٸ قوسىمشا 6 باعىتقا تولىعىپ, قوعامدىق كٶلٸكتەردٸڭ سانى 880 اۆتوبۋسقا جەتتٸ. ەندٸگٸ جەردە جاڭا اۆتوبۋستار سامال 3, اق جايىق, كٷنشىعىس, حامزا, شىمسيتي, قايتپاس 1 مٶلتەك اۋداندارىنا جٷرەتٸن بولادى.
ٶتكەن ايدا شىمكەنت قالاسىندا كٷن سايىن 200 اۆتوبۋسقا قىزمەت كٶرسەتۋگە مٷمكٸندٸك بەرەتٸن مەتان گازىن تولتىراتىن كومپرەسسورلىق ستانتسييا ٸسكە قوسىلعان بولاتىن. الداعى ۋاقىتتا كٷن سايىن 300 اۆتوبۋسقا قىزمەت كٶرسەتۋگە مٷمكٸندٸك بەرەتٸن قالادا تاعى بٸر كومپرەسسوردى ٸسكە قوسۋ جوسپارلانعان.
ەگەر دە قوعامدىق كٶلٸكتەردٸڭ كەشٸگۋٸ جٷرگٸزۋشٸلەردٸڭ دٶرەكٸ سٶيلەۋٸ جەنە باسقا دا قوعامدىق كٶلٸككە قاتىستى ساۋالدارىڭىز تۋىنداسا @Shymkent «109» بٸرىڭعاي بايلانىس نٶمٸرٸنە حابارلاسۋلارىڭىزعا بولادى.
