«بيىل التىن بەلگىگە» ۇمىتكەر وقۋشىلاردىڭ ۇلتتىق ءبىرىڭعاي تەستىلەۋدى تاپسىرۋ ناتيجەسىنە تالداۋ جاسالادى. بۇل ىسكە ۇلتتىق تەستىلەۋ ورتالىعى جاۋاپتى.
ەگەر «التىن بەلگىگە» ءۇمىتتى تالاپكەر ۇبت-دان تومەن بالل الىپ، شەكتى بالدى جيناي الماسا، وندا مەكتەپ باسشىلىعىن جاۋاپكەرشىلىككە تارتامىز.
«التىن بەلگىگە» ۇمىتكەرلەردىڭ ۇبت-نى ءتيىستى دەڭگەيدە تاپسىرۋ مەن اكادەميالىق ادالدىق ءپرينسيپى ءبىزدىڭ باقىلاۋىمىزدا، - دەدى اسحات ايماعامبەتوۆ مينيسترلىكتە وتكەن اپپارات جيىنىندا.
وسى ورايدا مينيستر ءبىلىم باسقارمالارى مەن بولىمدەرىنىڭ باسشىلارىنا اتالعان ماسەلەنى نازارعا الۋدى ەسكەرتتى.
«ەرتەڭگى كۇنى ەستىمەدىك، بىلمەدىك دەگەن اڭگىمە بولماسىن. وسى ماسەلە بويىنشا مەكتەپتىڭ باسشىلىعى تىكەلەي جاۋاپكەرشىلىككە تارتىلادى. قاجەت جاعدايدا جۇمىستان شىعارۋ ارەكەتىنە دەيىن بارامىز. سوعان دايىن بولىڭىزدار»، - دەيدى ول.
سونداي-اق، ۆەدومستۆو باسشىسى ۇبت كەزىندە تالاپكەرلەرگە ءتيىستى جاعدايدىڭ جاسالۋ كەرەكتىگىن ەسكە سالدى.
