«Biyl Altyn belgige» úmitker oqýshylardyń ulttyq biryńǵai testileýdi tapsyrý nátijesine taldaý jasalady. Bul iske ulttyq testileý ortalyǵy jaýapty.
Eger «Altyn belgige» úmitti talapker UBT-dan tómen ball alyp, shekti baldy jinai almasa, onda mektep basshylyǵyn jaýapkershilikke tartamyz.
«Altyn belgige» úmitkerlerdiń UBT-ny tiisti deńgeide tapsyrý men akademiialyq adaldyq printsipi bizdiń baqylaýymyzda, - dedi Ashat Aimaǵambetov ministrlikte ótken apparat jiynynda.
Osy oraida ministr bilim basqarmalary men bólimderiniń basshylaryna atalǵan máseleni nazarǵa alýdy eskertti.
«Erteńgi kúni estimedik, bilmedik degen áńgime bolmasyn. Osy másele boiynsha mekteptiń basshylyǵy tikelei jaýapkershilikke tartylady. Qajet jaǵdaida jumystan shyǵarý áreketine deiin baramyz. Soǵan daiyn bolyńyzdar», - deidi ol.
Sondai-aq, vedomstvo basshysy UBT kezinde talapkerlerge tiisti jaǵdaidyń jasalý kerektigin eske saldy.
