قازاق ٶنەرٸنٸڭ جارىق جۇلدىزى, كسرو-نىڭ حالىق ارتيسٸ, كسرو مەملەكەتتٸك سىيلىعىنىڭ لاۋرەاتى, قازاقستاننىڭ ەڭبەك ەرٸ اسانەلٸ ەشٸموۆتٸڭ 85 جىلدىق مەرەيتويى اياسىندا ٶسكەمەنگە گاسترولدٸك ساپارمەن كەلگەن «جاڭا عاسىر» ۇجىمى كٶرەرمەن نازارىنا تٶرت سپەكتاكل ۇسىندى دەپ جازدى "ديدار" باسىلىمى.
«جاڭا عاسىر» – جاس تەاتر. تەاتر مەنەدجەرٸ سالامات ٶتەشوۆتٸڭ ايتۋىنشا, تەاتر 2018 جىلى اسانەلٸ ەشٸموۆتٸڭ جەتەكشٸلٸگٸمەن الماتى قالاسى ەكٸمدٸگٸنٸڭ قولداۋىمەن «الماتى ەۋەندەرٸ» مەكەمەسٸ جانىنان قۇرىلعان.
– بيىل تەاتر جەنە كينو اكتەرٸ, اڭىز ادام اسانەلٸ ەشٸموۆ اعامىز 85 جاسقا تولىپ وتىر. تەاتر ۇجىمى وسى تويدى رەسپۋبليكا اۋماعىندا تويلاپ, سول تويدى حالىقپەن بٸرگە اتاپ ٶتۋدٸ جٶن كٶردٸ. قازٸر مەرەيتوي اياسىندا الماتى قالاسى مەدەنيەت باسقارماسىنىڭ قولداۋىمەن ەلٸمٸزدٸڭ تٷكپٸر-تٷكپٸرٸن گاسترولدٸك ساپارمەن ارالاپ جٷرمٸز. ساپارىمىزدى جامبىل وبلىسىنان باستادىق.
سودان كەيٸن وڭتٷستٸك قازاقستان, شىمكەنت, قىزىلوردا, اقتٶبە, ورال, اتىراۋ, اقتاۋ وبلىستارىندا جالعاستىردىق. الداعى بٸر ايدا استانا, پاۆلودار, كٶكشەتاۋ, تالدىقورعان ساپارى تۇر. شىعىس حالقىمەن كەزدەسۋگە اسانەلٸ ەشٸموۆتٸڭ ٶزٸ كەلدٸ, – دەدٸ تەاتر مەنەدجەرٸ سالامات ٶتەشەۆ.
بٸر اتاپ ٶتەرلٸگٸ, «جاڭا عاسىر» تەاترىنىڭ اكتەرلەرٸ بٸرگە وقىعان كۋرستاس, دوستار ەكەن.
– جوعارى وقۋ ورنىن بٸتٸرگەنٸمٸزگە بەس جىل بولدى. بٸتٸرگەن جىلى بارلىعىمىز وسى تەاترعا جۇمىسقا ورنالاستىق. سودان بەرٸ بٸرگەمٸز. ەشكٸم ەشقايدا كەتكەن جوق. تەاتردىڭ نەگٸزٸن قالاعان قىز-جٸگٸتتەر ەلٸ كٷنگە دەيٸن وسى تەاتردا ەڭبەك ەتٸپ كەلەمٸز, – دەيدٸ سالامات ٶتەشەۆ.
«جاڭا عاسىرلىقتار» شىعىسقا تٶرت قويىلىم ەكەلٸپتٸ. بٸرٸنشٸ كٷنٸ كٶپشٸلٸك قاۋىم ەلەمگە تانىمال «كورول لەۆ» شىعارماسى مەن ەلەمدٸك كلاسسيكالىق تۋىندى يوگانن شتراۋستىڭ «جارقانات» پوەتيكالىق كومەديياسىن, ەكٸنشٸ كٷنٸ وسى تەاتردىڭ اكتەرٸ ەرٸ رەجيسسەرٸ ەلدار تاشكەنبايدىڭ جوعارى سىنىپ وقۋشىلارى اراسىنداعى مىزعىماس دوستىق پەن العاشقى مٶلدٸر سەزٸم تۋرالى سىر شەرتەتٸن «سوڭعى قوڭىراۋ» پوەتيكالىق كومەديياسىن, سونداي-اق اقىن, دراماتۋرگ باقىت بەدەلحاننىڭ اسانەلٸ ەشٸموۆتٸڭ ٶمٸرٸنە نەگٸزدەلگەن «تاعدىر تاقتاسى» اتتى قويىلىمدى تاماشالادى.
سپەكتاكل سوڭىندا ساحناعا جٷرسٸن ەرماننىڭ سٶزٸنە جازىلعان ا.قورازباەۆتىڭ «جان بالام» ەنٸن شىرقاپ اسانەلٸ ەشٸموۆتٸڭ ٶزٸ شىقتى. زالدا جينالعان قاۋىمعا بٸر اۋىز جىلى لەبٸزٸن بٸلدٸردٸ.
– قازاق بولىپ تۋعانىما قۋانامىن. ەسٸرەسە, ونىڭ ٶنەرٸن قۋعانىما قۋانامىن. ساحنادان, ەكراننان جاقسى كەيٸپكەردٸ جاساپ, ٶمٸرگە قايتا تۋا الام. قازاعىمنىڭ كەڭ بايتاق جەرٸنە قۋانام. كٸرلەنگەن كٶڭٸلٸمدٸ تازا اۋامەن جۋا الام. باسىما قانداي قايعى-قاسٸرەت تٷسپەسٸن, بەلٸمدٸ بەكەم بۋا الام, – دەپ ٶلەڭدەتكەن اكتەر شىعىس جۇرتىنا شىنايى العىسىن جەتكٸزدٸ.
– بۇل – مەنٸڭ ٶنەردٸ العاشقى باستاعان ٶڭٸرٸم. جيىرما جاستاعى كەزٸمدە وسى ٶڭٸردە «اساۋ ەرتٸس جاعاسىندا» اتتى فيلمگە تٷسكەن بولاتىنمىن. ەلمەن تانىسىپ, تەاترىن, ٶنەرٸن كٶرٸپ قايتقان ەدٸم سوندا. ول ٶمٸرٸمنٸڭ باستاماسى ەدٸ. سوندىقتان دا بۇل ٶڭٸر ماعان ەرۋاقىتتا ىستىق, – دەگەن اسانەلٸ ەشٸموۆ ٶزٸ جەتەكشٸلٸك ەتەتٸن تەاتر اكتەرلەرٸنە دە ريزاشىلىعىن بٸلدٸردٸ.
كەزدەسۋ سوڭىندا وبلىستىق مەدەنيەت باسقارماسىنىڭ باسشىسى ن.احمەتجانوۆ وبلىس ەكٸمٸ اتىنان ەيگٸلٸ اكتەر مەن ونىڭ جۇبايىنا شاپان جاۋىپ, سىي-سيياپات تابىس ەتتٸ.
