اياگٶزدە جاڭا قۇرىلىس كومبيناتىندا 72 ادام تۇراقتى جۇمىسپەن قامتىلادى
اۋداندا ٶتكەن جىلى جۇمىس ٸستەپ تۇرعان شاعىن كەسٸپكەرلٸك سۋبەكتٸلەرٸنٸڭ سانى 3503 بٸرلٸك. اتالمىش سۋبەكتٸلەردە 9 917 ادام جۇمىسپەن ٸستەپ جٷر. اۋدان ەكٸمدٸگٸ تاراتقان اقپاراتقا سەيكەس, بۇل ەكونوميكالىق بەلسەندٸ حالىقتىڭ 30,9 % قۇرايدى.
بيىلعى جىلى اياگٶزدە تاعى بٸر جاڭا نىساننىڭ قۇرىلىسى جوسپارلانىپ وتىر. جوبانىڭ ينفراقۇرىلىمىنا 2016 جىلى «بيزنەستٸڭ جول كارتاسى 2020» بٸرٸڭعاي باعدارلاماسى اياسىندا وبلىستىق ٷيلەستٸرۋ كەڭەسٸندە ماقۇلدانىپ 392,9 ملن تەڭگە قارجى قارالىپ, 2016 جىلى رەسپۋبليكالىق بيۋدجەتتەن 314,5 ملن تەڭگە قارجى بٶلٸنگەن. ال 2017 جىلى ينفراقۇرىلىم جٷرگٸزۋگە قارالعان 78,4 ملن تەڭگە قارجى تولىق يگەرٸلگەن.
– بٷگٸنگٸ كٷنگە «بانك تسەنتر كرەديت» اق-نا نىساننىڭ بٷگٸنگٸ قۇنىن ەسكەرٸپ 1200,0 ملن تەڭگە نەسيە قارجى الۋعا قۇجاتتار تاپسىرىلىپ, بانك مەنەدجەرٸنٸڭ قاراۋىندا. بانكٸنٸڭ قانشا قارجى نەسيە ماقۇلداۋىنا جەنە نەگٸزگٸ قوندىرعىلاردىڭ باعاسىن ەسكەرە وتىرىپ 500,0 ملن تەڭگەگە دەيٸن ٶز قاراجاتىن جوبا قۇرىلىسىنا جۇمساۋ كٶزدەلۋدە, – دەدٸ باقىتجان باياحمەتوۆ.
ەكٸمنٸڭ ايتۋىنا قاراعاندا, جوسپارلانعان بارلىق شىعىندار 2346,0 ملن تەڭگە, جىلدىق تابىس 393,0 ملن تەڭگەنٸ قۇراسا, جوباعا كەتكەن شىعىننىڭ ٶتەلۋ مەرزٸمٸ 6 جىلدى قۇرايدى.
وسى ورايدا ايتا كەتۋ كەرەك, جالپى اۋدان بويىنشا ورتاشا ايلىق ەڭبەكاقى كٶلەمٸ 100120 تەڭگە قۇراعان. كەدەيلٸك شەگٸنەن تٶمەن تۇراتىن ازاماتتار سانى 378 ادام قۇرادى. جاڭا جۇمىس ورىنى بۇل كٶرسەتكٸشتٸ جاقسارتۋدا ٷلكەن ماڭىزعا يە.
