Aiagózde jańa qurylys kombinatynda 72 adam turaqty jumyspen qamtylady
Aýdanda ótken jyly jumys istep turǵan shaǵyn kásipkerlik sýbektileriniń sany 3503 birlik. Atalmysh sýbektilerde 9 917 adam jumyspen istep júr. Aýdan ákimdigi taratqan aqparatqa sáikes, bul ekonomikalyq belsendi halyqtyń 30,9 % quraidy.
Biylǵy jyly Aiagózde taǵy bir jańa nysannyń qurylysy josparlanyp otyr. Jobanyń infraqurylymyna 2016 jyly «Biznestiń jol kartasy 2020» birińǵai baǵdarlamasy aiasynda oblystyq úilestirý keńesinde maquldanyp 392,9 mln teńge qarjy qaralyp, 2016 jyly respýblikalyq biýdjetten 314,5 mln teńge qarjy bólingen. Al 2017 jyly infraqurylym júrgizýge qaralǵan 78,4 mln teńge qarjy tolyq igerilgen.
– Búgingi kúnge «Bank Tsentr Kredit» AQ-na nysannyń búgingi qunyn eskerip 1200,0 mln teńge nesie qarjy alýǵa qujattar tapsyrylyp, bank menedjeriniń qaraýynda. Bankiniń qansha qarjy nesie maquldaýyna jáne negizgi qondyrǵylardyń baǵasyn eskere otyryp 500,0 mln teńgege deiin óz qarajatyn joba qurylysyna jumsaý kózdelýde, – dedi Baqytjan Baiahmetov.
Ákimniń aitýyna qaraǵanda, josparlanǵan barlyq shyǵyndar 2346,0 mln teńge, jyldyq tabys 393,0 mln teńgeni qurasa, jobaǵa ketken shyǵynnyń ótelý merzimi 6 jyldy quraidy.
Osy oraida aita ketý kerek, jalpy aýdan boiynsha ortasha ailyq eńbekaqy kólemi 100120 teńge quraǵan. Kedeilik sheginen tómen turatyn azamattar sany 378 adam qurady. Jańa jumys oryny bul kórsetkishti jaqsartýda úlken mańyzǵa ie.
