اكىم وسى تاراپتا تەر توككەن تاريحشىلار، عالىمدار مەن جوعارى وقۋ ورىندارى ۇستازدارىنىڭ ەڭبەگىن جوعارى باعالادى. عالىمداردىڭ قاجىرلى ەڭبەگىنىڭ ناتيجەسىندە مۇراعاتتاردان اقتالماعان 2847 ادامنىڭ ءىسى تابىلعان. ولاردىڭ 2666-سى وڭالتۋ شارالارىمەن قامتىلۋى ءتيىس.
"قازىرگى تاڭدا كوميسسيا بارلىق قاجەتتى قۇجاتتاردى دايىنداپ قويدى. ءوز تۋىستارىنىڭ تاعدىرى تۋرالى بىلگىسى كەلەتىن ازاماتتاردىڭ وتىنىشتەرىنەن كەيىن ءبىز ارنايى پورتال اشتىق. وندا قالدىرىلعان ءار ءوتىنىشتى ماماندار مىندەتتى تۇردە قاراستىرادى. ءقازىردىڭ وزىندە 494 ءىس مەملەكەتتىك كوميسسيانىڭ قاراۋىنا جىبەرىلمەك"، – دەدى ايماق باسشىسى.
كوميسسيا مۇشەلەرى قىزىل قىرعىننىڭ كەسىرىنەن كۇشتەپ جەر اۋدارىلعان 203 ادامنىڭ ءىسىن تولىق زەردەلەگەن. ونىڭ ۇستىنە العاش رەت ولاردىڭ ناقتى سانى انىقتالماق.
«بۇدان سىرت، ماماندار ۇلى وتان سوعىسى كەزىندە كونسلاگەرلەردە بولعان شىعىسقازاقستاندىق تۇتقىنداردىڭ ىستەرىمەن جۇمىس ىستەۋدە. وسى جۇمىسقا ستۋدەنتتەردى، ماگيسترانتتاردى، ۆولونتەرلەردى تارتۋ قاجەت. ءبىز ءوز تاراپىمىزدان ولاردى قاجەتتى جابدىقپەن قامتاماسىز ەتۋگە دايىنبىز. تاريح ەشقاشاندا ۇمىتىلماۋى جانە بۇرمالانباۋى كەرەك! بۇل ساياسي كەزەڭ تولىققاندى زەرتتەلۋى ءتيىس»، - دەدى دانيال احمەتوۆ.
