Ákim osy tarapta ter tókken tarıhshylar, ǵalymdar men joǵary oqý oryndary ustazdarynyń eńbegin joǵary baǵalady. Ǵalymdardyń qajyrly eńbeginiń nátıjesinde muraǵattardan aqtalmaǵan 2847 adamnyń isi tabylǵan. Olardyń 2666-sy ońaltý sharalarymen qamtylýy tıis.
"Qazirgi tańda komısıa barlyq qajetti qujattardy daıyndap qoıdy. Óz týystarynyń taǵdyry týraly bilgisi keletin azamattardyń ótinishterinen keıin biz arnaıy portal ashtyq. Onda qaldyrylǵan ár ótinishti mamandar mindetti túrde qarastyrady. Qazirdiń ózinde 494 is memlekettik komısıanyń qaraýyna jiberilmek", – dedi aımaq basshysy.
Komısıa músheleri qyzyl qyrǵynnyń kesirinen kúshtep jer aýdarylǵan 203 adamnyń isin tolyq zerdelegen. Onyń ústine alǵash ret olardyń naqty sany anyqtalmaq.
«Budan syrt, mamandar Uly Otan soǵysy kezinde konslagerlerde bolǵan shyǵysqazaqstandyq tutqyndardyń isterimen jumys isteýde. Osy jumysqa stýdentterdi, magıstranttardy, volonterlerdi tartý qajet. Biz óz tarapymyzdan olardy qajetti jabdyqpen qamtamasyz etýge daıynbyz. Tarıh eshqashanda umytylmaýy jáne burmalanbaýy kerek! Bul saıası kezeń tolyqqandy zerttelýi tıis», - dedi Danıal Ahmetov.
