ەلىمىزدە اۋىلدىق جەرلەردە دەنساۋلىق ساقتاۋ جۇيەسىن جەتىلدىرۋ وزەكتى ماسەلەلەردىڭ ءبىرى دەسەك بولادى. بۇل باعىتتا ۇكىمەت بىرنەشە ماڭىزدى قادامدار جاساپ، اۋىل حالقىنىڭ ساپالى مەدەسينالىق قىزمەتكە قولجەتىمدىلىگىن ارتتىرۋدا جۇيەلى جۇمىستار جۇرگىزگەنىن بىلەمىز. جالىپ اۋىل مەديسيناسىن دامىتۋ جولىنداعى جۇمىستار ەشقاشان تواستامايتىنى انىق. دەنساۋلىق ساقتاۋ سالاسىنداعى وزگەرىستەر مەملەكەتتىك باعدارلامالار اياسىندا جۇزەگە اسىرۋعا باعىتتالعان، ءارى ءار وبلىستاعى وزەكتى قاجەتتىلىكتەرگە سايكەس بەيىمدەلگەنىن ايتا كەتۋمىز كەرەك.
بۇگىندە اۋىلدىق جەردەگى مەديسينالىق-سانيتارلىق كومەك كورسەتۋ پۋنكتتەرىنىڭ ماڭىزى قانداي، مۇنداي پۋنكتتەر قانداي ماسەلەلەردى شەشەدى. ءقازىر اۋىلدا مەديسينا ماماندارى جەتكىلىكتى مە؟ بۇل سۇراقتار ءالى دە ءوزىنىڭ وزەكتىلىگىن جويعان جوق دەسەك بولادى. ءقازىر اۋىلدىق جەرلەردەگى مەديسينالىق-سانيتارلىق كومەك كورسەتۋ پۋنكتتەرى – اۋىل تۇرعىندارى ءۇشىن دەنساۋلىق ساقتاۋ جۇيەسىنىڭ نەگىزى بولۋدا. مۇنداي شاعىن پۋنكتتەر اۋىل ازاماتتارىنا العاشقى مەديسينالىق كومەك كورسەتۋدە ماڭىزدى ءرول اتقارىپ، كۇردەلى ماسەلەلەردى شەشۋگە كومەكتەسىپ كەلەدى.
اۋىلدىق جەرلەردە اۋرۋحانا نەمەسە ەمحانا جوق جاعدايدا، مەديسينالىق-سانيتارلىق كومەك كورسەتۋ پۋنكتتەرى تۇرعىندارعا جاقىن ورنالاسقان العاشقى مەديسينالىق مەكەمە رەتىندە قىزمەت كورسەتىپ كەلەدى. مەديسينالىق-سانيتارلىق كومەك كورسەتۋ پۋنكتتەرى اۋىل تۇرعىندارىنىڭ كەز كەلگەن اۋرۋ تۇرىندە العاشقى كومەك كورسەتىپ، شۇعىل جاعدايلاردا العاشقى ەم-دوم جۇرگىزۋدى ويداعىداي اتقارىپ كەلەدى. بۇگىندە شاعىن اۋىلدى جەردە اۋرۋحانا ۇستاۋ مۇمكىن ەمەس.
ال مەديسينالىق پۋنكتتەر حالىققا العاشقى مەديسيانالىق كومەكتى كورسەتىپ، بۇدان باسقا جۇرەك تالماسى، جاراقاتتار، اللەرگيالىق رەاكسيالار جانە جۇكتىلىك جاعدايلارى كەزىندە دەرەۋ كومەك كورسەتىپ، ەل ازاماتتارىنىڭ ءومىرىن ساقتاپ، اۋىل ازاماتتارىنىڭ دەنساۋىلعىن نىعاۋتۋعا ءوز ۇلەسىن قوسىپ كەلەدى.
بۇگىندە مەديسينالىق-سانيتارلىق كومەك كورسەتۋ پۋنكتتەرى قىزمەتكەرلەرى اۋىل تۇرعىندارىن تۇراقتى تەكسەرىستەردەن وتكىزىپ، پروفيلاكتيكالىق شارالاردى دا دەر كەزىندە جۇرگىزىپ كەلە جاتقانىن ايتا كەتۋىمىز كەلەدى. جىل سايىن اۋىل تۇرعىندارى اراسىندا ينفەكسيالىق اۋرۋلارعا قارسى ۆاكسينالاۋ، قان قىسىمىن، قانت دەڭگەيىن تەكسەرۋ سياقتى شارالاردى مەديسينالىق پۋنكتتىڭ ماماندارى ءتيىستى دەڭگەيدە اتقارىپ كەلەدى.
بۇل باعىتتاعى جۇمىستار اۋرۋلاردى ەرتە باستان انىقتاۋع مۇمكىندىك بەرىپ، اۋىل تۇرعىنداردىڭ دەنساۋلىعىن باقىلاۋدا ۇستاۋعا جول اشىپ وتىر. اۋىل تۇرعىندارى ءۇشىن جىل سايىنعى مەديسينالىق تەكسەرىستەر ولاردىڭ دەنساۋلىعىنىڭ دەڭگەيىن انىقتاپ، اۋىر سالداردان ساقتاندىرۋعا كومەكتەسەتىنى بەلگىلى.
اۋىل تۇرعىندارىنا سوزىلمالى، جۇقپالى اۋرۋلاردى ەمدەۋ ءۇشىن دارىگەرلىك كومەك كورسەتۋ ءىسىن مەديسينالىق پۋنكتتىڭ قىزمەتكەرلەرى جۇزەگە اسىرۋدا. ولار جەرگىلىكتى دەنساۋلىق ساقتاۋ ورگاندارىمەن بىرگە جۇمىس ىستەپ، ءقاۋىپتى اۋرۋلاردىڭ الدىن الۋ شارالارىن جۇرگىزەدى. اۋرۋلاردىڭ اسقىنۋىن بولدىرماۋ جانە الدىن الا انىقتاۋ ماسەلەلەرىن شەشۋ ارقىلى دەنساۋلىق ساقتاۋ شىعىندارىن ازايتۋعا كومەكتەسەدى.
ورتالىقتان شالعايدا جاتقان اۋىل-اۋدانداردا كوپ جىلدان بەرى مەديسينا ماماندارىنىڭ جەتىسپەۋشىلىگى وزەكتى كۇيىندە قالىپ كەلە جاتقانى جاسىرىن ەمەس. وسى رەتتە ۇكىمەت وسى ءبىر وزەكتى ماسەلەنى «ديپلوممەن اۋىلعا» باعدارلاماسى ارىقىلى شەشۋگە تىرىسىپ كەلەدى. بۇل باعدارلاما كەيبىر جەردە ءوز جەمىسىن بەرسە، كەلسى باسقا ءبىر جەردە ماسلەنى تولىق شەشە الماي جاتىر. اسىرەسە شالعاي اۋىلداردا، دارىگەرلەر مەن ورتا مەديسينالىق پەرسونال جەتكىلىكسىز كۇيىندە قالىپ كەلەدى. دەنساۋلىق ساقتاۋ مينيسترلىگى ەلىمىزدىڭ سولتۇستىك قازاقستان، قوستاناي، جانە ماڭعىستاۋ وبلىستارىندا مەديسينالىق كادرلاردىڭ جەتىسپەۋشىلىگى ءالى كۇنگە دەيىن وزەكتى بولىپ وتىرعانىن العا تارتقان بولاتىن. ايتالىق، اۋىلدىق جەرلەردە، اسىرەسە تەراپيەۆتتەر، پەدياترلار مەن اكۋشەر-گينەكولوگتار سەكىلدى ماماندارعا سۇرانىس جوعارى.
