اۋىل شارۋاشىلىعى مينيسترلٸگٸ ەت باعاسىنىڭ قىمباتتاۋىن جوققا شىعارمايدى, دەپ حابارلايدى Dalanews.kz.
بۇل تۋرالى اۋىل شارۋاشىلىعى ۆيتسە-مينيسترٸ مەلٸمدەدٸ. ول ەت ەكسپورتى ەكٸ ەسە ارتقانىن ەسكە سالدى, بۇل ٸشكٸ باعالارعا ايتارلىقتاي ەسەر ەتٸپ وتىرعانىن جەتكٸزدٸ. الايدا, شامامەن 50 مىڭ توننا كٶلەمٸندەگٸ ٶنٸم قورى جاعدايدى تۇراقتى ۇستاپ تۇرعانىن, بۇل الداعى ايلاردا ٸشكٸ نارىقتى ەتپەن قامتاماسىز ەتەتٸنٸن ايتتى.
ازات سۇلتانوۆتىڭ سٶزٸنشە, تاپشىلىق بولماسا دا, باعاعا ىقپال ەتۋگە تىرىساتىن يمپورتتاۋشىلار تاراپىنان بەلگٸلٸ بٸر قىسىم بار. قاجەت بولعان جاعدايدا جەرگٸلٸكتٸ بيلٸك ٶنٸمنٸڭ قۇنىن باقىلاۋعا الاتىن قۇرالدارعا يە.
"قازٸر بٸز باعانى ۇستاپ وتىرعان جوقپىز, سەبەبٸ ەتتٸڭ ٶزٸندٸك قۇنى مەن ٶندٸرٸسٸنە قاراپ وتىرمىز. مالىن جايىلىمدا ۇستايتىن شارۋاشىلىقتاردا ٶزٸندٸك قۇن شامامەن 1800–1900 تەڭگە. ال نارىقتاعى باعا 3,5 مىڭ تەڭگەدەن باستالادى. باعانىڭ تٶمەندەۋٸ جەمشٶپ بازاسىنىڭ قامتاماسىز ەتٸلۋٸنە بايلانىستى بولادى. بولجامعا كەلسەك – ەزٸرگە بٸز ەتتٸڭ ٶزٸندٸك قۇنىنا قاراپ وتىرمىز", – دەدٸ ۆيتسە-مينيستر.
