Aýyl sharýashylyǵy ministrligi et baǵasynyń qymbattaýyn joqqa shyǵarmaidy, dep habarlaidy Dalanews.kz.
Bul týraly aýyl sharýashylyǵy vitse-ministri málimdedi. Ol et eksporty eki ese artqanyn eske saldy, bul ishki baǵalarǵa aitarlyqtai áser etip otyrǵanyn jetkizdi. Alaida, shamamen 50 myń tonna kólemindegi ónim qory jaǵdaidy turaqty ustap turǵanyn, bul aldaǵy ailarda ishki naryqty etpen qamtamasyz etetinin aitty.
Azat Sultanovtyń sózinshe, tapshylyq bolmasa da, baǵaǵa yqpal etýge tyrysatyn importtaýshylar tarapynan belgili bir qysym bar. Qajet bolǵan jaǵdaida jergilikti bilik ónimniń qunyn baqylaýǵa alatyn quraldarǵa ie.
"Qazir biz baǵany ustap otyrǵan joqpyz, sebebi ettiń ózindik quny men óndirisine qarap otyrmyz. Malyn jaiylymda ustaityn sharýashylyqtarda ózindik qun shamamen 1800–1900 teńge. Al naryqtaǵy baǵa 3,5 myń teńgeden bastalady. Baǵanyń tómendeýi jemshóp bazasynyń qamtamasyz etilýine bailanysty bolady. Boljamǵa kelsek – ázirge biz ettiń ózindik qunyna qarap otyrmyz", – dedi vitse-ministr.
