وكرۋگتىڭ نەگىزگى ەكونوميكالىق كورسەتكىشتەرىن – اۋىل شارۋاشىلىق سالاسى قۇرايدى. بۇل سالادا 82 شارۋا قوجالىق جانە 2 ج ش س ەڭبەك ەتەدى.
2020 جىلى سەبىلگەن جەر كولەمى 7106 گا. ونىڭ ىشىندە: مال ازىقتىق داقىلدارى (كوپجىلدىق ءشوپ) – 500گا، سۇرلەمدىك جۇگەرى – 640، ءداندى داقىل – 2425 گا، مايلى داقىلى – 3242 گا، باقشا داقىلى – 199 گا، قانت قىزىلشاسى – 100 گا. قاراتاۋ ج ش س 740 گا جەرگە كۇزدىك بيداي ەككەن.
مال شارۋاشىلىعى بويىنشا ءىرى قارا 3778 باس، سيىر 1644 باس، قوي-ەشكى 18087 باس، انالىق – 9572 باس. جىلقى –1400 باس، بيە – 740 باس، قۇس - 4445 باس. 2020 جىل بويىنشا «اسىل» ج ش س 400 باس ءسۇتتى باعىتتا قولدان ۇرىقتاندىرۋ تۋرالى كەلىسىم شارتقا وتىرىپ، جۇمىس تولىعىمەن اياقتالعان.
ەلىمىزگە كەلگەن شەتەلدىك ينۆەستور قىتايدىڭ CITIC كومپانياسىنىڭ دەمەۋشىلىگىمەن كولباي اۋلىنىڭ ۇزىندىعى 1100 مەتر بولاتىن 3 كوشەسىنە تاس توگىلىپ، اسفالت توسەۋ جۇمىستارى جۇرگىزىلگەن.
سونىمەن قاتار، ۇزىندىعى 6،5 شاقىرىم بولاتىن ارىق سۋ كانالدارى ينۆەستورلاردىڭ الىپ تەحنيكالارىنىڭ كومەگىمەن تازالانىپ رەتكە كەلتىرىلگەن.
سونداي-اق، وكرۋگكە قاراستى بۇدىر اۋىلىنا باراتىن ۇزىندىعى 1200 مەتر بولاتىن جولعا «ارحارلى-مايبۇيرەك» ج ش س دەمەۋشىلىگىمەن اعىمدى جوندەۋ جۇمىستارى جۇرگىزىلگەن.
2020 جىلدىڭ ناۋرىز ايىندا ەلىمىزدە ەنگىزىلگەن توتەنشە جاعدايعا بايلانىستى «ءبىز بىرگەمىز» اكسياسى اياسىندا اۋدان ازاماتتارىنىڭ دەمەۋشىلىگىمەن الەۋمەتتىك جاعدايلارى تومەن 40 وتباسىعا ازىق-تۇلىك سەبەتتەرى تاراتىلسا، كولباي، قىزىلقايىڭ اۋىلدارى ازاماتارىنىڭ ۇيىمداستىرۋىمەن جالپى سومماسى 850 مىڭ تەڭگەگە قايىرىمدىلىق كومەك كورسەتىلىپ، 2 ءىرى قارا مالى سويىلىپ كوپبالالى، از قامتىلعان، مۇمكىندىگى شەكتەۋلى 50 وتباسىعا تاراتىلعان.
وكرۋگتە قۇرىلعان انالار كەڭەسى دە 200 دانا بەتپەردە تىگىپ از قامتىلعان، كوپ بالالى، وتباسىلارعا تاراتقان.
سونىمەن قاتار، كولباي، قىزىلقايىڭ اۋىلدارىندا ورنالاسقان فاپ قىزمەتكەرلەرىنە اۋىلدىڭ اتقا مىنەر ازاماتتارىنىڭ دەمەۋشىلىگىمەن 2 دانا ادامنىڭ قىزىۋىن ولشەيتىن ەلەكتروندى تەپلوۆيزور سىيعا تارتىلعان.
