Okrýgtiń negizgi ekonomikalyq kórsetkishterin – aýyl sharýashylyq salasy quraidy. Bul salada 82 sharýa qojalyq jáne 2 JShS eńbek etedi.
2020 jyly sebilgen jer kólemi 7106 ga. Onyń ishinde: mal azyqtyq daqyldary (kópjyldyq shóp) – 500ga, súrlemdik júgeri – 640, dándi daqyl – 2425 ga, maily daqyly – 3242 ga, baqsha daqyly – 199 ga, qant qyzylshasy – 100 ga. Qarataý JShS 740 ga jerge kúzdik bidai ekken.
Mal sharýashylyǵy boiynsha iri qara 3778 bas, siyr 1644 bas, qoi-eshki 18087 bas, analyq – 9572 bas. Jylqy –1400 bas, bie – 740 bas, qus - 4445 bas. 2020 jyl boiynsha «Asyl» JShS 400 bas sútti baǵytta qoldan uryqtandyrý týraly kelisim shartqa otyryp, jumys tolyǵymen aiaqtalǵan.
Elimizge kelgen sheteldik investor Qytaidyń CITIC kompaniiasynyń demeýshiligimen Kólbai aýlynyń uzyndyǵy 1100 metr bolatyn 3 kóshesine tas tógilip, asfalt tóseý jumystary júrgizilgen.
Sonymen qatar, uzyndyǵy 6,5 shaqyrym bolatyn aryq sý kanaldary investorlardyń alyp tehnikalarynyń kómegimen tazalanyp retke keltirilgen.
Sondai-aq, okrýgke qarasty Budyr aýylyna baratyn uzyndyǵy 1200 metr bolatyn jolǵa «Arharly-Maibúirek» JShS demeýshiligimen aǵymdy jóndeý jumystary júrgizilgen.
2020 jyldyń naýryz aiynda elimizde engizilgen tótenshe jaǵdaiǵa bailanysty «Biz birgemiz» aktsiiasy aiasynda aýdan azamattarynyń demeýshiligimen áleýmettik jaǵdailary tómen 40 otbasyǵa azyq-túlik sebetteri taratylsa, Kólbai, Qyzylqaiyń aýyldary azamatarynyń uiymdastyrýymen jalpy sommasy 850 myń teńgege qaiyrymdylyq kómek kórsetilip, 2 iri qara maly soiylyp kópbalaly, az qamtylǵan, múmkindigi shekteýli 50 otbasyǵa taratylǵan.
Okrýgte qurylǵan analar keńesi de 200 dana betperde tigip az qamtylǵan, kóp balaly, otbasylarǵa taratqan.
Sonymen qatar, Kólbai, Qyzylqaiyń aýyldarynda ornalasqan FAP qyzmetkerlerine aýyldyń atqa miner azamattarynyń demeýshiligimen 2 dana adamnyń qyzyýyn ólsheitin elektrondy teplovizor syiǵa tartylǵan.
