اقش-تىڭ دەنۆەر حالىقارالىق ەۋەجايىندا قايعىلى وقيعا بولدى. Frontier Airlines ەۋە كومپانيياسىنا تيەسٸلٸ جولاۋشىلار ۇشاعى ۇشۋعا دايىندالىپ جاتقان سەتتە ەۋەجاي جولاعىندا جٷرگەن ادامدى قاعىپ كەتكەن, دەپ حابارلايدى dalanews.kz.
وقيعا 8 مامىر كٷنٸ كەشكٸ ۋاقىتتا تٸركەلگەن. لوس-اندجەلەسكە بەت العان Airbus A321 ۇشاعى ەكپٸن الىپ كەلە جاتقان كەزدە ۇشۋ جولاعىندا جٷرگەن ادامدى باسىپ ٶتكەن.
امەريكالىق باق-تىڭ حابارلاۋىنشا, وقيعا سالدارىنان ادام سول جەردە كٶز جۇمعان. سوققىدان كەيٸن ۇشاق قوزعالتقىشىندا قىسقا ۋاقىتقا ٶرت شىققانى دا ايتىلدى.
ەۋەجايداعى ٶرت سٶندٸرۋ قىزمەتٸ جالىندى تەز ارادا سٶندٸرگەن. ۇشاق بورتىندا 224 جولاۋشى مەن 7 ەكيپاج مٷشەسٸ بولعان. وقيعادان كەيٸن ۇشقىشتار رەيستٸ توقتاتۋ تۋرالى شەشٸم قابىلداعان.
كەيٸن ەلەۋمەتتٸك جەلٸدە ەكيپاج بەن ديسپەتچەر اراسىنداعى ەڭگٸمە جازباسى تارادى.
"ديسپەتچەر, Frontier 4345. بٸز ۇشۋ جولاعىندا توقتاپ تۇرمىز… بٸز بٸرەۋدٸ قاعىپ كەتتٸك… قوزعالتقىشتا ٶرت شىقتى", – دەگەن ۇشقىشتىڭ داۋىسى جازبادا ەستٸلەدٸ.
ودان سوڭ ەكيپاج كومانديرٸ ۇشاق ٸشٸندە تٷتٸن پايدا بولعانىن ايتىپ, جولاۋشىلاردى شۇعىل ەۆاكۋاتسييالاۋ قاجەت ەكەنٸن حابارلاعان.
بورتتاعى ادامدار ٷرلەمەلٸ تراپتار ارقىلى ۇشۋ جولاعىنا تٷسٸرٸلٸپ, كەيٸن ارنايى اۆتوبۋستارمەن تەرمينالعا جەتكٸزٸلدٸ.
الدىن الا اقپارات بويىنشا, بٸر جولاۋشى جەڭٸل جاراقات العان. ۇشاقتاعى بارلىق ادام مەديتسينالىق تەكسەرۋدەن ٶتتٸ.
Frontier Airlines كومپانيياسى وقيعانىڭ مەن-جايىن انىقتاۋ ٷشٸن ەۋەجاي ەكٸمشٸلٸگٸ جەنە قاۋٸپسٸزدٸك قىزمەتتەرٸمەن بٸرلەسٸپ جۇمىس ٸستەپ جاتقانىن مەلٸمدەدٸ.
قازٸر دەنۆەر پوليتسيياسى مەن اقش-تىڭ ۇلتتىق كٶلٸك قاۋٸپسٸزدٸگٸ كەڭەسٸ تەرگەۋ جٷرگٸزٸپ جاتىر. ماماندار ادامنىڭ ۇشۋ جولاعىنا قالاي كٸرٸپ كەتكەنٸن انىقتاۋ ٷشٸن ەۋەجاي اۋماعىنداعى قورشاۋلار مەن قاۋٸپسٸزدٸك جٷيەسٸن تەكسەرٸپ جاتىر.
