شارا باسىندا اۋدان اكىمى نۇرجان قۇدايبەرگەنوۆ مەرەكە يەلەرىن قۇتتىقتاپ ءبىر قاتار مەملەكەت قىزمەتكەرلەرىن جانە قۇقىق قورعاۋ ورگانىنىڭ قىزمەتكەرلەرىن وبلىس، اۋدان اكىمدىگى تاراپىنان ماراپاتتادى.
سونىمەن قاتار رايىمبەك ءاپب-نىڭ باستىعى، پوليسيا پولكوۆنيگى مۇرات نۇرداۋلەتوۆ ءوز كەزەگىندە بارشا مەرەكە يەلەرىنە اق جارما تىلەگىن ءبىلدىرىپ، زەينەتكە شىققان سالا قىزمەتكەرلەرىنە سىي-سياپاتتار تارتۋ ەتتى.
ءاربىر وركەنيەتتىڭ ورىنە قادام باستاعان مەملەكەتتىڭ ەڭ باستى تىرەگى، ونىڭ يدەياسى مەن ساياساتىن العا اپارۋشى مەملەكەتتىك قىزمەتكەر بولىپ تابىلادى.
سوندىقتان دا ۇلت مارتەبەسىن كوتەرەتىن، ەل ابىرويىن اسقاقتاتاتىن مەملەكەتتىك قىزمەتكەر بولۋ – مارتەبەلى مىندەت. مەملەكەتتىك قىزمەتشى قاي كەزدە دە بيلىكتىڭ بيىك بەينەسىن، ىسكەرلىك قابىلەتىن كورسەتەدى.
ءوز قىزمەتتىك مىندەتىن اتقارۋعا ادالدىق تانىتىپ، قوعامدىق ءتارتىپتى قامتاماسىز ەتەتىن، حالىق اراسىندا ساقتىق جۇمىسىن جۇرگىزەتىن، ازاماتتاردىڭ تىنىشتىعىن، زاڭدىلىق پەن قۇقىق ءتارتىبىن قورعايتىن بىلىكتى ماماندارىمىزدىڭ قاتارى كوبەيە بەرسىن. ەلىمىزدىڭ قورعاندارى – پوليسيا قىزمەتكەرلەرىنىڭ ەڭبەكتەرى ەرەن.
شارا اۋدان كوركەمونەرپازدارىنىڭ كوز تارتار تاماشا كونسەرتىمەن جالعاسىن تاپتى.
وسى ايتۋلى مەرەكە يەلەرىن تاعى ءبىر مارتە شىن جۇرەكتەن قۇتتىقتايمىز!
