اتىراۋ وبلىسىندا قىزمەت ەتەتٸن ٶرت سٶندٸرۋشٸ ەرسەيت برالين قازاقستاننىڭ جاڭا رەكوردىن ورناتتى. قۇرمانعازى اۋدانىنداعى ٶرت سٶندٸرۋ بٶلٸمٸنٸڭ بٶلٸمشە كومانديرٸ سالماعى 165,2 توننا بولاتىن تەمٸرجول ۆاگونىن 9 مەترگە دەيٸن سٷيرەپ اپارعان, دەپ حابارلايدى dalanews.kz.
رەكورد ورناتۋ سەتٸن جٷزدەگەن ادام تاماشالاعان. ەرەكشە جەتٸستٸك رەسمي تٷردە تٸركەلٸپ, ەرسەيت برالينگە كينەس-2026 قازاقستان رەكوردتار كٸتابىنىڭ باتىرى اتاعى بەرٸلدٸ.
سالتاناتتى شارا بارىسىندا سپورتشىعا ارنايى سەرتيفيكات تابىستالىپ, ات مٸنگٸزٸلٸپ, يىعىنا شاپان جابىلعان.
ايتا كەتەيٸك, بۇل ەرسەيت براليننٸڭ العاشقى جەتٸستٸگٸ ەمەس. ول بۇعان دەيٸن, 2024 جىلى, سالماعى 94 توننا بولاتىن ۆاگوندى ورنىنان قوزعاپ, رەكورد ورناتقان ەدٸ. جاڭا نەتيجە ونىڭ الدىڭعى كٶرسەتكٸشٸنەن ەدەۋٸر جوعارى بولىپ, ەلدەگٸ كٷش سپورتىنداعى جاڭا مەجەنٸ بەلگٸلەدٸ.
