Atyraý oblysynda qyzmet etetin órt sóndirýshi Erseit Bralin Qazaqstannyń jańa rekordyn ornatty. Qurmanǵazy aýdanyndaǵy órt sóndirý bóliminiń bólimshe komandiri salmaǵy 165,2 tonna bolatyn temirjol vagonyn 9 metrge deiin súirep aparǵan, dep habarlaidy dalanews.kz.
Rekord ornatý sátin júzdegen adam tamashalaǵan. Erekshe jetistik resmi túrde tirkelip, Erseit Bralinge KInES-2026 Qazaqstan rekordtar kitabynyń batyry ataǵy berildi.
Saltanatty shara barysynda sportshyǵa arnaiy sertifikat tabystalyp, at mingizilip, iyǵyna shapan jabylǵan.
Aita keteiik, bul Erseit Bralinniń alǵashqy jetistigi emes. Ol buǵan deiin, 2024 jyly, salmaǵy 94 tonna bolatyn vagondy ornynan qozǵap, rekord ornatqan edi. Jańa nátije onyń aldyńǵy kórsetkishinen edáýir joǵary bolyp, eldegi kúsh sportyndaǵy jańa mejeni belgiledi.
