بۇل جونىندە باس پروكۋرور بەرىك اسىلوۆ مالىمدەدى.
"ول تارتىپسىزدىكتەر ۇيىمداستىرىپ، حالىقتى باقىلاۋعا الىپ، بيلىككە ءبىرىڭعاي ۋلتيماتۋم تالاپتارىن قويۋ ءۇشىن "حالىق كەڭەسىن" قۇرۋى ءتيىس ەدى. بۇل ءىسىن جۇزەگە اسىرۋ ءۇشىن الماتى قالاسى ءماسليحاتىنىڭ ەكس-دەپۋتاتى بەلسەنە كومەكتەسكەن، سونداي-اق ۇيىمداسقان تۇردە "قازاقستان" قوناقۇيىنە كەلگەن قاراقشىلاردى قارۋلاندىرعان قىلمىستىق توپتىڭ بەلسەندى مۇشەسى ماحاتوۆ بولدى"، - دەدى اسىلوۆ بەيسەنبىدە وتكەن ۇكىمەت وتىرىسىندا.
ولار جاپپاي نارازىلىقتارعا جەتەكشىلىك ەتە المادى. ادامدار ولاردىڭ سوڭىنان ەرگەن جوق، دەپ قوستى باس پروكۋرور.
تەرگەۋ مالىمەتىنشە، ۇقك-نىڭ بۇرىنعى ءتوراعاسى كارىم ءماسىموۆتىڭ ۇستالعانى تۋرالى اقپارات العاننان كەيىن سەنىمدى اليبي جاساۋ ءۇشىن سودىرلارعا توناۋشىلارمەن كۇرەس دەگەن جەلەۋمەن قالا تۇرعىندارىنا شابۋىل جاساۋعا بۇيرىق بەرىلگەن.
"6 قاڭتاردا ولار "Ritz Carlton" جانە "قازاقستان" قوناقۇيلەرىنىڭ تۇراقتارىندا ءار ءتۇرلى نۇكتەلەردەن كەزدەيسوق 24 ازاماتتى ۇرلاپ اكەلىپ، ۇرىپ-سوعىپ، ۇستاعان وتىرعان. ارتىنشا ولار قالانىڭ شەتىنە جەتكىزىلىپ، ءتۇنى بويى ۇقك قىزمەتكەرلەرى كۇزەتكەن كونتەينەرلەرگە جاتقىزىلعان. سوسىن ولاردى اۋەجايعا اكەلىپ، وندا ءبىر ادام – وتەپبايەۆ ازاپتاۋدان كوز جۇمعان"، - دەدى اسىلوۆ.
ايتا كەتەيىك، اتالعان فاكتىلەر بويىنشا تەرگەۋ اياقتالىپ، تانىستىرۋ جۇمىستارى جۇرگىزىلۋدە.
ەسكە سالساق، ارنايى وپەراسيا بارىسىندا ۇستالعان ارمان جۇماگەلدييەۆ سوت شەشىمىمەن 2 ايعا قاماۋعا الىنعان بولاتىن. سودان بەرى قاماۋ مەرزىمى ۇزارتىلۋدا.
6 قازاندا باس پروكۋراتۋرا ديكيي ارمان دەگەن اتپەن تانىمال قىلمىس جەتەكشىسى ارمان جۇماگەلدييەۆكە جاڭا ايىپتاردىڭ تاعىلعانىن مالىمدەگەن.
