Bul jóninde bas prokýror Berik Asylov málimdedi.
"Ol tártipsizdikter uiymdastyryp, halyqty baqylaýǵa alyp, bilikke biryńǵai ýltimatým talaptaryn qoiý úshin "halyq keńesin" qurýy tiis edi. Bul isin júzege asyrý úshin Almaty qalasy máslihatynyń eks-depýtaty belsene kómektesken, sondai-aq uiymdasqan túrde "Qazaqstan" qonaqúiine kelgen qaraqshylardy qarýlandyrǵan qylmystyq toptyń belsendi múshesi Mahatov boldy", - dedi Asylov beisenbide ótken úkimet otyrysynda.
Olar jappai narazylyqtarǵa jetekshilik ete almady. Adamdar olardyń sońynan ergen joq, dep qosty bas prokýror.
Tergeý málimetinshe, UQK-niń burynǵy tóraǵasy Kárim Másimovtiń ustalǵany týraly aqparat alǵannan keiin senimdi alibi jasaý úshin sodyrlarǵa tonaýshylarmen kúres degen jeleýmen qala turǵyndaryna shabýyl jasaýǵa buiryq berilgen.
"6 qańtarda olar "Ritz Carlton" jáne "Qazaqstan" qonaqúileriniń turaqtarynda ár túrli núktelerden kezdeisoq 24 azamatty urlap ákelip, uryp-soǵyp, ustaǵan otyrǵan. Artynsha olar qalanyń shetine jetkizilip, túni boiy UQK qyzmetkerleri kúzetken konteinerlerge jatqyzylǵan. Sosyn olardy áýejaiǵa ákelip, onda bir adam – Ótepbaev azaptaýdan kóz jumǵan", - dedi Asylov.
Aita keteiik, atalǵan faktiler boiynsha tergeý aiaqtalyp, tanystyrý jumystary júrgizilýde.
Eske salsaq, arnaiy operatsiia barysynda ustalǵan Arman Jumageldiev sot sheshimimen 2 aiǵa qamaýǵa alynǵan bolatyn. Sodan beri qamaý merzimi uzartylýda.
6 qazanda Bas prokýratýra Dikii Arman degen atpen tanymal qylmys jetekshisi Arman Jumageldievke jańa aiyptardyń taǵylǵanyn málimdegen.
