اتىراۋ وبلىسى پوليسيا دەپارتامەنتى كوشى-قون قىزمەتى باسقارماسى قوس ازاماتتىعى بار قۇرمانعازى اۋدانىنىڭ تۇرعىنىن انىقتادى، - دەپ حابارلايدى Dalanews.kz.
ول قازاقستان رەسپۋبليكاسىنىڭ تۋماسى جانە 2002 جىلى العاش رەت قازاقستان ازاماتىنىڭ جەكە باسىن كۋالاندىراتىن قۇجاتتارىن راسىمدەگەن. الايدا 2023 جىلى رەسەي فەدەراسياسىنىڭ ازاماتتىعىن قابىلداپ، سول جىلى شىلدە ايىندا رەسەي ازاماتتىعىن كۋالاندىراتىن قۇجاتتارىن العان.
انىقتالعان ەر ادامعا ق ر زاڭناماسىندا بەلگىلەنگەن مەرزىمدەردە شەتەل ازاماتتىعىن الۋ فاكتىسىن حابارلاماۋ بويىنشا اكىمشىلىك حاتتاما تولتىرىلىپ، ءىس-قۇجاتتار پروسەسسۋالدىق شەشىم قابىلداۋ ءۇشىن قۇرمانعازى اۋداندىق سوتىنا جولداندى. سوت شەشىمىمەن ازامات كىنالى دەپ تانىلىپ، وعان 140 ايلىق ەسەپتىك كورسەتكىش، ياعني 516 880 تەڭگە كولەمىندە ايىپپۇل سالىندى. ايىپپۇل مەملەكەت پايداسىنا تولىق كولەمدە ءوندىرىلدى.
سونىمەن قاتار اتالعان دەرەك نەگىزىندە 47 جاستاعى ازاماتتى قازاقستان ازاماتتىعىنان ايىرىپ، مالىمەتتەر ءتيىستى اقپاراتتىق جۇيەلەرگە ەنگىزىلدى.
