Atyraý oblysy politsiia departamenti kóshi-qon qyzmeti basqarmasy qos azamattyǵy bar Qurmanǵazy aýdanynyń turǵynyn anyqtady, - dep habarlaidy Dalanews.kz.
Ol Qazaqstan Respýblikasynyń týmasy jáne 2002 jyly alǵash ret Qazaqstan azamatynyń jeke basyn kýálandyratyn qujattaryn rásimdegen. Alaida 2023 jyly Resei Federatsiiasynyń azamattyǵyn qabyldap, sol jyly shilde aiynda Resei azamattyǵyn kýálandyratyn qujattaryn alǵan.
Anyqtalǵan er adamǵa QR zańnamasynda belgilengen merzimderde shetel azamattyǵyn alý faktisin habarlamaý boiynsha ákimshilik hattama toltyrylyp, is-qujattar protsessýaldyq sheshim qabyldaý úshin Qurmanǵazy aýdandyq sotyna joldandy. Sot sheshimimen azamat kináli dep tanylyp, oǵan 140 ailyq eseptik kórsetkish, iaǵni 516 880 teńge kóleminde aiyppul salyndy. Aiyppul memleket paidasyna tolyq kólemde óndirildi.
Sonymen qatar atalǵan derek negizinde 47 jastaǵy azamatty Qazaqstan azamattyǵynan aiyryp, málimetter tiisti aqparattyq júielerge engizildi.
