بەلگٸلٸ دٸنتانۋشى, يمام نۇرلان بايجٸگٸتۇلى ەلٸمٸزدە كيٸك اتۋعا رۇقسات بەرٸلگەن تۇستا شاريعات تالاپتارىن ساقتاۋعا شاقىردى, دەپ حابارلايدى Dalanews.kz Nege.kz-كە سٸلتەمە جاساپ.
“جالپى, دالاداعى اڭ-قۇستى كەز كەلگەن ادام اتا بەرۋگە بولمايدى. ياعني, تابيعاتىمىزدىڭ قورعالۋى زاڭمەن تىيىم سالىنعان بولسا, مۇسىلمان ياكي حريستيان بولسا دا, دٸنٸمٸزدە براكونەرلٸك ارام بولىپ ەسەپتەلەدٸ”, — دەيدٸ ول.
ول قازاق حالقىنىڭ كيٸكتٸ ەجەلدەن كيەلٸ ساناپ كەلگەنٸن, تەك اسا قاجەتتٸلٸك تۋىنداعاندا عانا اتۋعا بولاتىنىن اتاپ ٶتتٸ.
“قازاق حالقى كيٸكتٸ ەرەكشە كيە تۇتقان. قاجەتتٸلٸك تۋىنداعاندا اتىپ, سويىپ جەۋگە بولاتىن شىعار. بٸراق مٷيٸزٸ ٷشٸن سايىن دالادا ەركٸن جوسقان كيٸك مالىن قىرىپ تاستاۋعا بولمايدى. قازٸر كيٸك سانى كٶبەيٸپ, اتۋعا رۇقسات بەرٸلدٸ عوي. دەسەك تە, كەز كەلگەن اڭ-قۇستى اتۋدىڭ شاريعات قويعان نورماسى بار”, — دەپ قوستى ول.
يمام شاريعاتتا اڭ-قۇس اتۋ مەن سويۋدىڭ ناقتى تالاپتارى بار ەكەنٸن دە تٷسٸندٸردٸ.
“بٸرٸنشٸ, كەز كەلگەن اڭ نەمەسە مال اللانىڭ اتىمەن, “بيسميللا” سٶزٸمەن سويىلۋى كەرەك. وق پەن ساداق اتىلعان اڭ بولسا دا باۋىزدالۋى تيٸس. ياعني, مال قاننىڭ تولىق شىعىپ كەتكەنٸنەن كەيٸن ٶلۋٸ كەرەك. مىسالى, قان شىعار-شىقپاي, كەسٸلدٸ-كەسٸلمەدٸ, كەز كەلگەن اڭ-قۇس سۋعا باتىپ ٶلسە ارام بولادى. دەمەك, پىشاقتىڭ سەبەبٸمەن "بيسميللا" ايتىپ باۋىزداپ, قان اققان سوڭ ادال بولادى”, — دەدٸ ول.
سونىمەن قاتار, “بيسميللانى” كٸم ايتاتىنى دا ماڭىزدى ەكەنٸن جەتكٸزدٸ.
“بيسميللانى” كٸم ايتادى? ونى “بيسميللانىڭ” يەسٸ ايتادى. ياعني, مۇسىلمان, حريستيان, ياحۋدي بولۋى كەرەك. نەگە ٷشەۋٸن بٸرگە ايتادى? بۇل ٷشەۋٸ دە اسپاننان تٷسكەن “تاۋرات”, “زابۋر”, “ٸنجٸل”, “قۇران” كٸتابىن مويىندايدى. سول ٷشٸن بۇلاردىڭ مالى “بيسميللا” دەپ سويىلسا, ادال بولادى. ەگەر اتەيست, وتقا, سۋعا, مٷسٸنگە تابىناتىندار ٶلتٸرسە, ول كيٸكتٸڭ ەتٸ ارام دەلٸنگەن. بۇل اياتتا جازىلعان. ياعني, ولار “بيسميللا” ايتسا دا, ادال دەپ ەسەپتەلمەيدٸ”, — دەپ تٷيٸندەدٸ يمام.
