وسىدان ەكى جىل بۇرىن الەكسەيدىڭ 32 جاسار ۇلى ەدۋارد جۇمباق جاعدايدا قازا بولعان. ول باتىس قازاقستان وبلىسىنداعى دوڭگەلەك سۋ قويماسىندا قورىقشى- ەگەر بولىپ جۇمىس ىستەگەن.
وتكەن جىلدىڭ تامىز ايىنىڭ باسىندا كاتەرمەن كەزەكشىلىككە كەتكەن ەدۋاردتىڭ ءولى دەنەسى سۋدان تابىلىپتى. اقجايىق اۋداندىق ىشكى ىستەر ءبولىمىنىڭ تەرگەۋشىسى جىگەربايەۆ ەدۋارد ابايسىزدا قازا بولدى دەگەن جەلەۋمەن، حاتتامادا دەنە جاراقاتتارىن كورسەتپەي قىلمىستىق ءىستى جاۋىپ تاستاعان. سوت مەدساراپشى ءجۇنىسوۆ تە ونى قولداعان.
بۇعان كەلىسپەگەن الەكسەي پوبەديموۆ استانادان تاۋەلسىز ساراپشىلار شاقىرىپ، ۇلىنىڭ مۇردەسىنە ەكسگۋماسيا جاساۋعا ءماجبۇر بولادى.
"جاڭا ساراپتاما ناتيجەسى ەدۋاردتىڭ ون قابىرعاسى، ساۋساقتارى سىنعانىن كورسەتىپ بەردى. ال ساراپشى ءجۇنىسوۆ مۇنىڭ ءبارىن جاسىرعان. ءالى جۇمىسىندا ءجۇر. تەرگەۋشى جىگەربايەۆ تا جۇمىسىندا. سوندا اسا اۋىر قىلمىستى كوزجۇمبايلىقپەن جاسىرعان ادامدارعا نەگە جازا الىنبايدى؟ وداردىڭ ارتىندا قاي مىقتى تۇر؟" - دەيدى ا.پوبەديموۆ
