Osydan eki jyl buryn Alekseidiń 32 jasar uly Edýard jumbaq jaǵdaida qaza bolǵan. Ol Batys Qazaqstan oblysyndaǵy Dóńgelek sý qoimasynda qoryqshy- eger bolyp jumys istegen.
Ótken jyldyń tamyz aiynyń basynda katermen kezekshilikke ketken Edýardtyń óli denesi sýdan tabylypty. Aqjaiyq aýdandyq ishki ister bóliminiń tergeýshisi Jigerbaev Edýard abaisyzda qaza boldy degen jeleýmen, hattamada dene jaraqattaryn kórsetpei qylmystyq isti jaýyp tastaǵan. Sot medsarapshy Júnisov te ony qoldaǵan.
Buǵan kelispegen Aleksei Pobedimov Astanadan táýelsiz sarapshylar shaqyryp, ulynyń múrdesine eksgýmatsiia jasaýǵa májbúr bolady.
"Jańa saraptama nátijesi Edýardtyń on qabyrǵasy, saýsaqtary synǵanyn kórsetip berdi. Al sarapshy Júnisov munyń bárin jasyrǵan. Áli jumysynda júr. Tergeýshi Jigerbaev ta jumysynda. Sonda asa aýyr qylmysty kózjumbailyqpen jasyrǵan adamdarǵa nege jaza alynbaidy? Odardyń artynda qai myqty tur?" - deidi A.Pobedimov
