ەلوردانىڭ ەكولوگيالىق كۇن تارتىبىندەگى وزەكتى ماسەلەلەردىڭ ءبىرى –سانيتارلىق تازالىقتى كۇشەيتۋ جانە كوممۋنالدىق قىزمەتتەردىڭ اشىقتىعى – وسى ءىس-شارانىڭ باستى ارقاۋىنا اينالدى. اۋقىمدى شاراعا ب ا ق وكىلدەرىمەن قاتار، ەكولوگتار، بلوگەرلەر، قوعام بەلسەندىلەرى قاتىستى. قاتىسۋشىلارعا قالانىڭ سانيتارلىق دەڭگەيىن ساقتاۋعا كومەكتەسەتىن زاماناۋي تەحنيكا تانىستىرىلىپ، كاسىپورىننىڭ وندىرىستىك نىسانى بويىنشا ەكسكۋرسيا ۇيىمداستىرىلدى. سونداي-اق سالالىق ماماندار شارا قوناقتارىمەن پىكىر الماستى.
استانا – قارقىندى دامىپ جاتقان زاماناۋي مەگاپوليس. مۇندا كۇن سايىن اۋقىمدى قۇرىلىس جوبالارى جۇزەگە اسىرىلادى، ينفراقۇرىلىم جاڭعىرتىلىپ، كولىك سانى ارتۋدا. بۇل – قورشاعان ورتاعا تۇسەتىن انتروپوگەندىك جۇكتەمەنىڭ ارتۋىنا اكەلىپ وتىر. قالانىڭ تازالىعى تەك كوممۋنالدىق قىزمەتتەردىڭ جۇمىسىنا عانا ەمەس، سونىمەن بىرگە ءاربىر ازاماتتىڭ ەكولوگيالىق ساناسى مەن جاۋاپكەرشىلىگىنە تىكەلەي بايلانىستى.
اسىرەسە، قۇرىلىس الاڭدارى، ونەركاسىپتىك نىساندار مەن جۇكتەمەسى جوعارى ماگيسترالدار ماڭىندا جاعداي كۇردەلى.
ءبىر كۇن كوشە تازالانباسا نە بولادى؟
باسپا ءسوز تۋرى اياسىندا «استانا تازالىق» ج ش س باس ديرەكتورى زامير ساعىنوۆ ەلوردانىڭ تازالىق مادەنيەتىن اشىق كورسەتۋ ماقساتىندا تاجىريبە وتكىزىلگەنىن مالىمدەدى:
– «بلوگەر باتىرجاننىڭ ءوتىنىشى بويىنشا قالانىڭ ەكولوگيالىق احۋالىن ناقتى كورسەتۋ ءۇشىن شاعىن، ءبىراق ماڭىزدى تاجىريبە جۇرگىزدىك. قالاداعى باستى كوشەلەردىڭ ءبىرى – كەرەي-جانىبەك كوشەسىنەن ماڭگىلىك ەل داڭعىلىنداعى «ماڭگىلىك ەل» سالتانات قاقپاسىنا دەيىنگى ارالىق ءبىر كۇن بويى ادەيى تازالانبادى»، – دەدى ول. جينالعان دەرەكتەر قالاداعى تازالىق مادەنيەتىنىڭ ناقتى كورىنىسىنە اينالىپ، قوعامدا ورىندى الاڭداۋشىلىق تۋدىردى.
تەمەكى تۇقىلى – 6 112 دانا
اليۋمينيي بانكالار – 658 دانا
بانان قابىقتارى – 78 دانا
قاعاز قالدىقتارى – 343 دانا
بالمۇزداق ورامالارى – 436 دانا.
بۇل كورسەتكىش تۇرمىستىق لاستانۋدىڭ اۋقىمىن عانا ەمەس، سونىمەن قاتار قالالىق ءومىر سالتىندا قالىپتاسىپ قالعان مادەني داعدىلاردى دا ايقىن اڭعارتادى. اسىرەسە، تەمەكى تۇقىلدارىنىڭ باسىم بولۋى – ەرەكشە الاڭداتارلىق جايت. ولار قالا كەلبەتىنە كەرى اسەر ەتىپ قانا قويماي، تۇرعىنداردىڭ دەنساۋلىعىنا دا تىكەلەي ءقاۋىپ توندىرەتىن، كوشەدەگى ەڭ كەڭ تارالعان قوقىس تۇرىنە اينالىپ وتىر.
زامير ساعىنوۆتىڭ ايتۋىنشا، بۇل تاجىريبە تۇرعىنداردىڭ ءوز قالاسىنا دەگەن كوزقاراسى وزگەرمەيىنشە، كوممۋنالدىق قىزمەتتىڭ جۇيەلى جۇمىسى دا ۇزاقمەرزىمدى ناتيجەگە قول جەتكىزبەيتىنىنىڭ دالەلى.
باسپا ءسوز تۋرى اياسىندا «استانا تازالىق» پەن كاسىبي تەحنولوگيالار كوللەدجى اراسىندا ءوزارا ىنتىماقتاستىق تۋرالى مەموراندۋمعا قول قويىلدى. بۇل قۇجات – سانيتارلىق قىزمەت پەن قالانى اباتتاندىرۋ سالاسىنا جاڭا ماماندار دايارلاۋعا باعىتتالعان ماڭىزدى قادام. العاش رەت كوللەدج ستۋدەنتتەرىنە كاسىپورىن بازاسىندا اقىلى وندىرىستىك تاجىريبەدەن ءوتۋ مۇمكىندىگى ۇسىنىلدى. الداعى ۋاقىتتا بۇل باعدارلاما كەڭەيتىلىپ، وسىنداي مۇمكىندىك باسقا دا وقۋ ورىندارىنىڭ ستۋدەنتتەرىنە بەرىلمەك.
قاتىسۋشىلار سونداي-اق كومپانيانىڭ سيفرلىق باقىلاۋ جۇيەسىمەن تانىستى. تەحنيكالىق باقىلاۋ ءبولىمىنىڭ باسشىسى داستان مۇسابەكوۆتىڭ ايتۋىنشا، بارلىق تەحنيكالارعا ورناتىلعان جاڭا بۋىن GPS-ناۆيگاسيالار ارنايى ماشينالاردىڭ قوزعالىسىن دا، جۇرگىزۋشىلەردىڭ ءتارتىبىن دە ناقتى ۋاقىتتا باقىلاۋعا مۇمكىندىك بەرەدى.
– قازىرگى جۇيە تەحنيكانىڭ قاي جەردە ەكەنىن عانا ەمەس، جۇرگىزۋشىنىڭ مارشرۋتتان اۋىتقۋىن، ۇزاق تۇرىپ قالۋىن نەمەسە ءتىپتى ۇيىقتاپ كەتكەنىن دە تىركەيدى. مۇنداي تەحنولوگيالار ءتارتىپ پەن قاۋىپسىزدىكتى ارتتىرىپ، جۇمىستىڭ ساپاسىن دا جاقسارتادى، – دەدى د. مۇسابەكوۆ.
