مەملەكەت باسشىسىنىڭ جارلىعىمەن قىزمەتتىك بورىشىن ۇلگىلى اتقارعانى، قيىن-قىستاۋ جاعدايدا كورسەتكەن ەرلىگى مەن جانقيارلىعى ءۇشىن استانا قالالىق جەدەل مەديسينالىق جاردەم ستانسياسىنىڭ فەلدشەرى ۇلدانا مىرزۋان (مارقۇم) «ەرلىگى ءۇشىن» مەدالىمەن ماراپاتتالدى، دەپ حابارلايدى Dalanews.kz
ەسكە سالساق، وقىس وقيعا 8 قاراشا كۇنى ەلورداداعى تۇرعىن ۇيلەردىڭ بىرىندە بولدى. ءۇيدىڭ سىرتقى قاپتاماسى قۇلاپ، تۇرعىندار جاپا شەكتى. ۇلدانا وقيعا ورنىنا جەتكەن جەدەل جاردەم بريگاداسىنىڭ قۇرامىندا بولعان ەدى.
ول جاپا شەككەندەرگە جاردەمدەسىپ جۇرگەن مەزەتتە كونديسيونەر قوندىرعىسىنىڭ بولشەگى باسىنا قۇلاعان. ۇلدانا مىرزۋان جانساقتاۋ بولىمىندە 10 كۇن جاتىپ، 18 قاراشادا كوز جۇمدى.
