Memleket basshysynyń Jarlyǵymen qyzmettik boryshyn úlgili atqarǵany, qıyn-qystaý jaǵdaıda kórsetken erligi men janqıarlyǵy úshin Astana qalalyq jedel medısınalyq járdem stansıasynyń feldsheri Uldana Myrzýan (marqum) «Erligi úshin» medalimen marapattaldy, dep habarlaıdy Dalanews.kz
Eske salsaq, oqys oqıǵa 8 qarasha kúni elordadaǵy turǵyn úılerdiń birinde boldy. Úıdiń syrtqy qaptamasy qulap, turǵyndar japa shekti. Uldana oqıǵa ornyna jetken jedel járdem brıgadasynyń quramynda bolǵan edi.
Ol japa shekkenderge járdemdesip júrgen mezette kondısıoner qondyrǵysynyń bólshegi basyna qulaǵan. Uldana Myrzýan jansaqtaý bóliminde 10 kún jatyp, 18 qarashada kóz jumdy.
