قازاقستاندا 2025 جىلعى قاڭتار–قازان ايلارىندا ورىندالعان قۇرىلىس جۇمىستارىنىڭ كٶلەمٸ 15,1%-عا ٶسٸپ, 7 263,2 ملرد تەڭگەنٸ قۇرادى. بۇل تۋرالى ۇلتتىق ستاتيستيكا بيۋروسى مەلٸمدەدٸ, دەپ حابارلايدى Dalanews.kz.
ۆەدومستۆونىڭ دەرەگٸنشە, قۇرىلىس ٶسٸمٸنە عيماراتتار مەن يماراتتار سالۋ قارقىنىنىڭ ارتۋى ەسەر ەتكەن. يماراتتار قۇرىلىسى 19,2%-عا, تۇرعىن ەمەس عيماراتتار 10,2%-عا, ال تۇرعىن ٷيلەردٸ سالۋ 7,6%-عا ۇلعايعان.
قۇرىلىس جۇمىستارىنىڭ قۇرىلىمىندا ەڭ ٷلكەن ٷلەس اۆتوموبيل, تەمٸرجول جەنە مەترو نىساندارىنا تيەسٸلٸ — 24,9%. ودان كەيٸن تۇرعىن ەمەس عيماراتتار قۇرىلىسى (21,6%) جەنە تۇرعىن ٷيلەر (12,6%) ورنالاسقان.
رەسپۋبليكا بويىنشا جۇمىستاردىڭ 92,9%-ىن جەكە قۇرىلىس ۇيىمدارى ورىنداعان. شەتەلدٸك كومپانييالاردىڭ ٷلەسٸ – 6,6%, مەملەكەتتٸك ۇيىمدار – 0,5%.
ەلدٸڭ 18 ٶڭٸرٸندە قۇرىلىس كٶلەمٸ ارتقان. ەڭ جوعارعى ٶسٸم استانا (39,4%) مەن الماتى قالالارىندا (35,4%) تٸركەلدٸ. سولتٷستٸك قازاقستان (30,1%), تٷركٸستان (28,6%), قوستاناي (27,5%), پاۆلودار (22,6%), اقمولا (21,7%) جەنە الماتى وبلىستارىندا دا ايتارلىقتاي ۇلعايۋ بايقالدى.
2025 جىلدىڭ العاشقى ون ايىندا پايدالانۋعا بەرٸلگەن جاڭا وبەكتٸلەردٸڭ جالپى اۋدانى 19,7 ملن شارشى مەتردٸ قۇرادى. تۇرعىن ٷيلەر كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 4,5% ٶسٸپ, 14,6 ملن شارشى مەترگە جەتتٸ. ونىڭ 9,3 ملن شارشى مەترٸ – كٶپ پەتەرلٸ ٷيلەر, 5,2 ملن شارشى مەترٸ – جەكە تۇرعىن ٷيلەر.
پايدالانۋعا بەرٸلگەن تۇرعىن ٷيلەردٸڭ 92%-ىن جەكە قۇرىلىس سالۋشىلار قامتاماسىز ەتتٸ. سونىمەن قاتار حالىق ٶز كٷشٸمەن 5,5 ملن شارشى مەتر باسپانا سالعان.
