الماتىدا ٸز-تٷسسٸز جوعالعان 25 جاستاعى ەرزات ەگٸنبايدىڭ ٶلٸمٸنە قاتىستى تەرگەۋ باستالدى. جٸگٸت جۇمىسىنان نەبەرٸ 15 مينۋتقا سۇرانىپ شىعىپ, ارادا تٶرت كٷن ٶتكەندە سۋ قويماسىنان ٶلٸ تابىلعان, دەپ حابارلايدى dalanews.kz almaty.tv-عا سٸلتەپ.
ەرزات 19 مامىردا ەدەتتەگٸدەي جۇمىسقا بارعان. ول الماتىدا گەودەزيستٸڭ كٶمەكشٸسٸ بولىپ ەڭبەك ەتكەن. سول كٷنٸ تٷستە باستىعىنان "دٷكەنگە بارىپ كەلەمٸن" دەپ سۇرانىپ شىققانىمەن, قايتا ورالماعان. كەشكە جۇمىس ورنىنداعىلار ونىڭ جينالىسقا كەلمەگەنٸن بايقاپ, جۇبايىنا حابارلاسقان.
تۋىستارىنىڭ ايتۋىنشا, سول سەتتەن باستاپ وتباسى ٶز كٷشٸمەن ٸزدەۋ جۇمىستارىن باستاعان. ولار بەينەباقىلاۋ كامەرالارىن قاراپ, ەرزاتتىڭ سوڭعى جٷرگەن باعىتتارىن انىقتاۋعا تىرىسقان.
مارقۇمنىڭ اناسى تالشا قۇسايىنوۆانىڭ سٶزٸنشە, ۇلى ەشقانداي كٷمەندٸ ورتادا بولماعان, قۇمار ويىن ويناماعان جەنە كٷن سايىن جۇمىستان كەيٸن وتباسىنا حابارلاسىپ وتىرعان.
كەيٸن ەرزات الماتى وبلىسى ەڭبەكشٸقازاق اۋدانىنا قاراي كەتكەنٸ بەلگٸلٸ بولعان. بەينەجازبالاردا ونىڭ ەلدەكٸمدٸ ٸزدەگەندەي جان-جاعىنا الاڭداپ قاراپ جٷرگەنٸ بايقالعان. ول كوسموس اۋىلىنداعى ايالدامادان تٷسٸپ قالعان, سودان كەيٸنگٸ جٷرگەن باعىتى انىقتالماعان.
23 مامىردا ەرزاتتىڭ سٷيەگٸ كوسموس اۋىلى ماڭىنداعى سۋ قويماسىنان تابىلعان. ونى بالىقشىلار بايقاپ قالعان.
مارقۇمنىڭ تۋىستارى ونىڭ ٶلٸمٸنە قاتىستى كٷمەن كٶپ ەكەنٸن ايتادى. ولاردىڭ سٶزٸنشە, مارقۇمنىڭ دەنەسٸندە تۇنشىقتىرۋعا ۇقساس ٸزدەر بولعان. الايدا الدىن الا مەلٸمەت بويىنشا پوليتسييا سٷيەكتەن زورلىق-زومبىلىق بەلگٸلەرٸ انىقتالماعانىن حابارلاعان.
الماتى پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەكتٸڭ ايتۋىنشا, قازٸر وقيعانىڭ بارلىق مەن-جايىن انىقتاۋعا باعىتتالعان سوتقا دەيٸنگٸ تەرگەۋ جٷرگٸزٸلٸپ جاتىر.
جاقىندارىنىڭ سٶزٸنشە, ەرزات جۋىردا عانا ەكە بولاتىنىن بٸلگەن. جارتى جىل بۇرىن شاڭىراق كٶتەرگەن جٸگٸتتٸڭ قازاسى وتباسى ٷشٸن اۋىر سوققى بولعان. تۋىستارى ٸستٸڭ ەدٸل ەرٸ اشىق تەرگەلۋٸن تالاپ ەتٸپ وتىر.
