استانا قالاسى پوليتسييا دەپارتامەنتٸنٸڭ جەرگٸلٸكتٸ پوليتسييا قىزمەتٸ باسقارماسىنىڭ باستىعى ەرجان ەدٸلبەكوۆ ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە ەلوردادا ٶتكٸزٸلٸپ جاتقان «ۋچاسكە» جەدەل-الدىن الۋ ٸس-شاراسى تۋرالى ايتتى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
قىزمەت كٶرسەتٸلەتٸن ەكٸمشٸلٸك ۋچاسكەلەردە قۇقىق بۇزۋشىلىقتاردىڭ الدىن الۋ ٷشٸن وسى جىلدىڭ 16 قىركٷيەگٸنەن 15 جەلتوقسانىنا دەيٸن ەلوردا اۋماعىندا «ۋچاسكە» جەدەل-الدىن الۋ ٸس-شاراسى ٶتكٸزٸلەدٸ.
جەدەل-الدىن الۋ ٸس-شاراسى شەڭبەرٸندە پەتەرلەر مەن اۋلالاردى ارالاۋ جٷرگٸزٸلەدٸ, تۇرعىندار ٶزدەرٸنٸڭ اۋماقتىق ۋچاسكەلٸك ينسپەكتورلارىمەن تانىسىپ, وعان ٶزدەرٸن تولعاندىرعان مەسەلەلەرٸمەن جٷگٸنە الادى.
– جالدامالى پەتەرلەردە تۇراتىن ادامدار بٶلەك تەكسەرٸلەدٸ. جاڭادان انىقتالعان جالعا بەرٸلەتٸن تۇرعىن ٷي تۋرالى اقپارات سالىق زاڭناماسىنىڭ ساقتالۋىن تەكسەرۋ ٷشٸن مەملەكەتتٸك كٸرٸستەر ورگاندارىنا جٸبەرٸلەدٸ. جەدەل-الدىن الۋ ٸس-شاراسى باستالعاننان بەرٸ 380 مىڭنان استام پەتەر مەن 28 مىڭ جەكە مەنشٸك ٷي يەلەرٸ تەكسەرۋدەن ٶتتٸ, – دەدٸ ەرجان ەدٸلبەكوۆ.
سونىمەن قاتار زاڭدىلىقتىڭ باسقا دا بۇزۋشىلىقتارى انىقتالۋدا. بارلىعى 24 مىڭنان استام ەكٸمشٸلٸك قۇقىق بۇزۋشىلىق انىقتالدى.
– جەدەل-الدىن الۋ ٸس-شاراسى بارىسىندا ٸشكٸ ٸستەر ورگاندارىنىڭ پروفيلاكتيكالىق ەسەپتەرٸندە تۇرعان ادامدار قوسىمشا تەكسەرٸلەدٸ. سوت بەلگٸلەگەن تىيىمدار مەن شەكتەۋلەردٸ بۇزۋدىڭ 64 فاكتٸسٸ انىقتالدى, 19 ەسەپكە الىنۋشى ەكٸمشٸلٸك جاۋاپكەرشٸلٸككە تارتىلدى, – دەپ تولىقتىردى ەدٸلبەكوۆ.
ايتا كەتۋ كەرەك, زاڭدىلىقتىڭ كەز كەلگەن بۇزىلۋىنا «نٶلدٸك تٶزٸمدٸلٸك» قاعيداتى اياسىندا جٷزەگە اسىرىلاتىن ۆانداليزمنٸڭ جولىن كەسۋ جۇمىستارى جانداندىرىلدى.
– جىل باسىنان بەرٸ 147-1-باپ بويىنشا بٶتەننٸڭ مٷلكٸن قاساقانا جويعانى نەمەسە بٷلدٸرگەنٸ ٷشٸن 338 ادام ەكٸمشٸلٸك جاۋاپكەرشٸلٸككە تارتىلدى, سونىڭ ٸشٸندە 125 ادام قاماۋعا الىندى, 177 ادامعا ايىپپۇل سالىندى. ۇساق بۇزاقىلىق جاساۋ فاكتٸلەرٸ بويىنشا 2 071 ادام جاۋاپقا تارتىلىپ, ونىڭ 628-ٸ قاماۋعا الىندى, 1220 ادامعا ايىپپۇل سالىندى, – دەدٸ سپيكەر.
بۇدان بٶلەك, قالالىق ينفراقۇرىلىم مەن جالپى ٷي مٷلكٸنٸڭ زاقىمدانۋ فاكتٸلەرٸن انىقتاۋ بويىنشا مامانداندىرىلعان جەرگٸلٸكتٸ رەيدتٸك پىسىقتاۋلاردى تۇراقتى جٷرگٸزۋ ۇيىمداستىرىلدى. جىل باسىنان بەرٸ بارلىعى 1000-نان استام وسىنداي ٸس-شارالار ٶتكٸزٸلدٸ.
ۆانداليزمنٸڭ الدىن الۋ جۇمىستارى قالالىق پروكۋراتۋرا مەن پوليتسييا دەپارتامەنتٸنٸڭ ٷيلەستٸرۋٸمەن جٷرگٸزٸلەدٸ.
