زاڭسىز كەسٸپكەرلٸك قىزمەتپەن اينالىسقان ترانسۇلتتىق قىلمىستىق توپتىڭ مٷشەسٸ رەسەيدەن ەكستراديتسييالاندى, دەپ حابارلايدى Dalanews.kz.
باس پروكۋراتۋرا مەن ٸشكٸ ٸستەر مينيسترلٸگٸنٸڭ ينتەرپول ۇلتتىق ورتالىق بيۋروسىنىڭ قىزمەتكەرلەرٸ, قازاقستاننىڭ رەسەيدەگٸ ەلشٸلٸگٸنٸڭ قولداۋىمەن ترانسۇلتتىق قىلمىستىق توپ قۇرامىندا زاڭسىز كەسٸپكەرلٸك قىزمەتپەن اينالاسقانى ٷشٸن قىلمىستىق جاۋاپتىلىققا تارتۋ ٷشٸن رەسەي فەدەراتسيياسىنان قازاقستان ازاماتى ەكستراديتسييالاندى.
كٷدٸكتٸ, 2023 جىلى رەسەي فەدەراتسيياسىنىڭ اۋماعىنا شىعارىپ ساتۋ ماقساتىندا, قازاقستان اۋماعى بويىنشا اكتسيزدەلەتٸن تاۋارلاردى (تەمەكٸ) سەيكەستەندٸرۋ قۇرالدارىنسىز زاڭسىز ساقتاپ, تاسىمالداعان.
نەتيجەسٸندە, اكتسيزدٸك سالىقتىڭ قازاقستان بيۋدجەتٸنە تٷسپەگەن قاراجات 1 ميلليارد تەڭگەنٸ قۇراعان.
كٷدٸكتٸ قىلمىس جاساعاننان كەيٸن جاسىرىنعان, وسىعان بايلانىستى حالىقارالىق ٸزدەۋ جارييالانعان.
2025 جىلعى سەۋٸردە ول رەسەيدە ۇستالىپ, باس پروكۋراتۋرانىڭ سۇراۋى بويىنشا قازاقستانعا ەكستراديتسييالاندى.
قازٸرگٸ ۋاقىتتا كٷدٸكتٸ تەرگەۋ يزولياتورىنا قامالدى.
ايىپ تاعىلعان قىلمىستار ٷشٸن مٷلكٸ تەركٸلەنٸپ, ون ەكٸ جىلعا دەيٸن باس بوستاندىعىنان ايىرۋ جازاسى كٶزدەلگەن.
