Zańsyz kásipkerlik qyzmetpen ainalysqan transulttyq qylmystyq toptyń múshesi Reseiden ekstraditsiialandy, dep habarlaidy Dalanews.kz.
Bas prokýratýra men Ishki ister ministrliginiń Interpol Ulttyq ortalyq biýrosynyń qyzmetkerleri, Qazaqstannyń Reseidegi elshiliginiń qoldaýymen transulttyq qylmystyq top quramynda zańsyz kásipkerlik qyzmetpen ainalasqany úshin qylmystyq jaýaptylyqqa tartý úshin Resei Federatsiiasynan Qazaqstan azamaty ekstraditsiialandy.
Kúdikti, 2023 jyly Resei Federatsiiasynyń aýmaǵyna shyǵaryp satý maqsatynda, Qazaqstan aýmaǵy boiynsha aktsizdeletin taýarlardy (temeki) sáikestendirý quraldarynsyz zańsyz saqtap, tasymaldaǵan.
Nátijesinde, aktsizdik salyqtyń Qazaqstan biýdjetine túspegen qarajat 1 milliard teńgeni quraǵan.
Kúdikti qylmys jasaǵannan keiin jasyrynǵan, osyǵan bailanysty halyqaralyq izdeý jariialanǵan.
2025 jylǵy sáýirde ol Reseide ustalyp, Bas prokýratýranyń suraýy boiynsha Qazaqstanǵa ekstraditsiialandy.
Qazirgi ýaqytta kúdikti tergeý izoliatoryna qamaldy.
Aiyp taǵylǵan qylmystar úshin múlki tárkilenip, on eki jylǵa deiin bas bostandyǵynan aiyrý jazasy kózdelgen.
